Ќе успее ли „Starbucks“ во Италија, земјата на еспресото?
- Детали
- четврток, 02 март 2017
Главниот директор на „Starbucks“, Хауард Шулц, сонувал да ја оствари својата идеја да отвори синџир на кафулиња за време на патување во Милано во 1983-та година.
Сега, кога повеќе од 10 години е извршен директор, во април сака да го донесе „Starbucks“ во градот кој ја инспирирал неговата креација.
Глобалниот гигант за кафе најави дека планира да го отвори своето прво кафуле, следната година во Милано.
На простор од 2.369m2 ќе се отвори кафуле кое ќе служи кафиња и храна која се готви на „лице место“ од страна на Италијанецот Роко Принчи.
Отворањето ќе се случи една година откако „Starbucks“ првпат почна да планира да влезе во Италија - земјата која е добро позната по своето еспресо.
Но, дали ќе добие топло добредојде?
Италијанците обично уживаат во своето еспресо од €1 додека стојат пред барот на локалното кафуле, па идејата дека ќе почнат да уживаат во огромно кафе од некој странски „непознат“ синџир на кафулиња, според многумина, нема да оди по желбата на Шулц.
„Италијанците се многу пребирливи за храната која ја јадат и пијалаците кои ги пијат“ - вели специјалистот за храна, Робин Феген.
„Најголемиот дел од нив имаат локален човек кој добро го познаваат, секој ден го гледаат и секој ден пијат кафе кај него. Тешко дека некој ќе успее да им го одземе тоа“ - додава тој.
Тоа е културен судир за кој очигледно „Starbucks“ е подготвен и планира битката да биде бавна, но сигурна, „со голема почит за италијанската традиција“.
Во меѓувреме, како реагираат Италијанците на оваа идеја?
Н. Г. | Црнобело
Би можело да ве интересира:
