Од вирална фотка до светот на модата: Како се станува модел во денешно време?

Детали

вторник, 31 октомври 2017

19-годишната Анок Јаи била фотографирана на забава на универзитетот Howard, а нејзината фотка предизвика големо внимание на социјалните мрежи.

Стотици луѓе коментираат, а дури и без да ја познаваат, препорачуваат дека таа треба да биде модел.

Оттогаш, 3 модни агенции се обиделе да стапат во контакт со неа и сега таа e само на еден чекор од остварувањето на соништата.

Целата ситуација започнала така што, фотограф правел фотки за неговиот Инстаграм профил, и ѝ кажал дека слика луѓе облечени добро и дека ги објавува нивните фотографии.

Без размислување, студентката позирала и продолжила понатаму, но фотката која била објавена се прошири вирално.

Фотката има повеќе од 12.000 лајкови, а нејзините нови следбеници, обележуваат модни агенции во коментари, барајќи да ја ангажираат и очигледно планот успеал.

Студентката која во 2000-та година се преселила од Египет во Манчестер, отсекогаш била заинтересирана за мода и уметност и секогаш сонувала да стане модел.

Таа студира биохемија, но сега размислува да почне да се занимава и со манекенство.

„Тоа е сон што отсекогаш го сакав, но не знаев дека ќе се исполни. На почетокот, се прашував што гледаат сите, бидејќи јас не го гледав тоа. Искрено, мислам дека луѓето се толку навикнати на себе во секојдневието, што не ја забележуваат нивната убавина.“

Анок претходно не била многу активна на Инстаграм, но после оваа фотка, веруваме дека ќе имаме можност да ја видиме на повеќе фотографии. 

М. М. | Црнобело