Борба против анорексија: Во Франција следи казна ако не е нагласено дека моделите се фотошопирани

Детали

понеделник, 29 јануари 2018

Од 2017-та, светот на модата во Франција е променет, благодарение на Министерството за здравство, кое било загрижено за здравјето на жителите.

Тие спровеле мерка, со која ги обврзуваат компаниите во нивните реклами со фотошопирани модели, да нагласат дека се користени измени во изгледот на нивното тело.

На секоја преработена фотографија од модели, мора да стои натпис „ Photographie retouchée“.

Во спротивно, доколку компаниите тоа не го почитуваат, ќе добијат казна од 37.500 евра, или 30% од заработката од рекламата.

Целта е да се спречи развојот на анорексија и булимија кај младите луѓе, кои имаат погрешна слика за „модните икони“.

„Мора да поработиме на сликата за тело во општеството и да избегнуваме промоција на недостижни идеали во убавината, со цел да спречиме анорексија кај младите луѓе.“ – изјавил Министерот на здравство во тој период.

Франција не е единствената земја со вакви рестрикции. Израел е исто така помеѓу земјите кои се засегнати со овој проблем.

Можеби, идејата и прикажувањето на реалниот изглед на телото ќе добие нова популарност во светот на модата.

М. М. | Црнобело