Направена е најскапата торта на светот во облик на Ким Кардашијан, вредна 1.2 милиони долари

Детали

петок, 23 март 2018

Тортата е вистинска копија на реалити ѕвездата. Дури има запазено и детали како шминка, маникир и стајлинг.

Се сеќавате на свадбената торта од 1 милион долари во Дубаи? Сега границите се поместени. Во Англија е направена најскапата торта на светот.

Ја изработи дизајнерката Деби Вингам за клиент, кој наводно имал девојка што многу наликува на Ким Кардашијан и сакал да ја изненади за нејзиниот роденден. Според фотографијата што ја добила дизајнерката, девојката наводно имала лице и тело речиси идентично како Ким.  

Сепак, нам ни изгледа дека инспирацијата била конкретно Ким и тоа со стајлинг од синиот килим на настанот NBCUniversal 2017.

За изработка на тортата потребни биле килограми и килограми материјал од кои шест се чоколадо.

Ова не е прво неверојатно дело на Деби, таа веќе е добро позната по кулинарските чуда што ги изведува.

Дијамантите што ги стави на тортата се навистина скапи, па затоа оваа торта достигна цена од 1.2 милиони долари. За правење на ова слатко чудо Деби потрошила 10 дена.

Како изгледа нејзиното дело:

С. С. | Црнобело