11 фото докази кои прикажуваат како влијае топлотниот бран на светот и природата

Детали

петок, 10 август 2018

Во последниов период, земјата е зафатена од топлотни бранови кои достигнуваат рекорди, а секако тоа си носи свои последици.

Иако кај нас годинава не почувствувавме огромни и неподносливи летни горештини како претходно, сепак во некои земји температурата го достигнува рекордот.

Пожари во Грција и Калифорнија, смртни случаи од високите температури во Јапонија, исушени езера и уништена природа се дел од последиците.

Погледнете низ фотки како влијае топлотниот бран кој го зафати светот ова лето:

Езерa преполни со луѓе на гумени базени, чамци и душеци кои се разладуваат.

Сушите низ светот предизвикуваат проблеми во земјоделската индустрија.

Езерата низ цел свет почнуваат да се сушат заради топлотните бранови и општо, глобалното затоплување.

А земјата почнува да гори и пожарите земаат поголем замав (пожарите во Грција).

Плажите стануваат преполни од луѓе кои имаат потреба да се разладат.

Толку е сериозно, што во Швајцарија хеликоптерите почнале да пренесуваат вода за кравите на планините кои се соочуваат со суша и жед.

Она што вообичаено е зелена, живописна трева, сега е исушена и со жолто-кафеава боја.

Во Италија масовно се полнат шишиња со вода од фонтаните за да се издржат горештините.

Други пак, се прскаат и разладуваат со вода среде плоштади во Полска.

Во Јапонија, има повеќе од 70.000 хоспитализирани во текот на овие 3 месеци, а повеќе од 100 смртни случаи, заради жештините и рекордната температура од 41˚С.

Калифорнија моментално се соочува со најголемиот пожар во историјата на државата

М. М. | Црнобело