Како изгледа денес некогашниот најсуров затвор во светот? (фото)

Детали

четврток, 16 август 2018

Затворениците биле чувани во кафези и биле третирани како робови... Дали тоа е вистинскиот начин на рехабилитација?

„Devil’s Island“ некогаш бил застрашувачки затвор полн со озлогласени затвореници. На островот Сент Џозеф бил затворот каде 60.000 затвореници се соочувале со најлоши можни услови.

Помеѓу 1852 и 1946 година затворениците се соочувале со самица, биле чувани во кафези и вршеле работа која претходно ја вршеле робови. Многу од нив умирале како последица на претепување, недостиг од храна и самоубиства. Други живееле со години во темни зандани без допир со светлина и контакт со луѓе.

За храна затворениците морале да ја ставаат главата низ решетките на кафезите за да добијат малку супа. Само по еден час на ден им била дозволена прошетка во заедничкиот простор, а во останатиот дел од времето престојувале во кафезите, каде неретко не смееле ниту да седнат, а не пак да прочитаат некоја книга или да се забавуваат на друг начин.

Ретко кој успевал да побегне, но дури и тие при обидот за бегство од островот биле јадени од ајкули и пирани во морето.

Сега затворот е напуштен, а природата влијаела врз него. Фотографот Romain Veillon отпатувал на островот за да овековечи дел од историјата и вели дека било претопло и се потел постојано.

Вели дека не може ниту да го замисли хоророт низ кој минувале затворениците таму.

Дел од неговите фотки од напуштениот затвор „Devil’s Island“:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело