Две интересни работи во кои Ирците се слични на Македонците

Детали

сабота, 15 септември 2018

„Ајде тргам сега, чекај само уште ова да ти кажам, но доцна е, леле морам сега навистина да тргнам“, ви звучи познато?

Во Ирска живеат 4 милиони луѓе, кои водат многу поразличен начин на живот, отколку ние во Македонија.

Но, не е сè комплетно различно. Покрај тоа што се мала држава како нас, Ирците имаат уште некои сличности со Македонците.

Постојат две работи во кои Ирците и Македонците многу си наликуваат:

Мали разговори за семејство и времето

Во Ирска, како и во Македонија, луѓето обожаваат да ги имаат оние мали разговори околу тоа каде биле вчера, што ќе прават денес, каков им е планот за утре.

Потоа ги поставуваат истите прашања, но за брат им, сестра ми, мајка им, партнерот итн. Прашањата се во наш стил - „А што прави мајка ти?“.

Исто така, има и долги разговори за временската прогноза.

Збогување кое трае и трае

Како и на нас, збогувањето им трае со часови. Кога ќе речат дека е време за „збогум“, најверојатно ќе минат уште најмалку 10 минути во разговор.  Па ќе кажат дека тргнуваат повторно, па пак ќе се замуабетат итн. Познато, зарем не?

Прочитајте и 11 докази дека претседателот на Ирска е „закон“ - чека на ред за банкомат, кучињата си ги носи секаде!

С. С. | Црнобело