7 непријатни работи кои ве очекуваат во разни земји и треба да ги знаете однапред

Детали

петок, 21 септември 2018

Кинеските таксисти со измама може да ви го испразнат паричникот, вечерниот шопинг во Швајцарија е невозможен.

Кога одите во некоја странска држава логично е да сте изненадени од многу работи, сепак некои навистина ќе ви бидат како гром од ведро небо.

Некаде може да бидете казнети за јадење во метро, а на други места да ве очекуваат тоалети од кошмарите.

Работи кои може да ве изненадат во земјите низ светот:

Во Јужна Кореја не треба да се потпирате на „Google Maps“ затоа што државата не му дава право на Google да има пристап поради грижа околу безбедноста.

Во Сингапур е забрането да јадете и пиете во јавен превоз, а за пушење на јавно место може да платите казна од 1.000 долари.

На Бали во Индонезија може да завршите во затвор ако згазнете врз „Canang Sari“, храна која локалците му ја принесуваат како благодарност на нивното божество.

Во Швајцарија речиси е невозможно да имате шопинг по 21 часот затоа што швајцарските продавници се затвораат во 18:30 часот, во 21 часот во четвртоците, а во неделите воопшто не работат.

Од Тунис не смеете да ја изнесувате локалната валута затоа што ќе имате проблеми со законот.

Тоалетите во Тајланд надвор од туристичките реони ќе ве шокираат затоа што треба да клекнете, а потоа сами да истурите вода.

Во Кина таксистот може да ве намести дека сте му го оштетиле автомобилот и потоа со измама да ви извлече пари.

С. С. | Црнобело