Сурфер им помага на дечиња со посебни потреби да си ги остварат соништата

Детали

четврток, 25 октомври 2018

Тој го обожава океанот, а својата страст им ја пренесува и на дечињата кои на овој начин го градат својот карактер имајќи ги предизвик брановите пред себе.

Бенџамин Клифорд е сурфер од Велс, кој сака чудата на океанот и магијата на брановите да може да ја почувствуваат сите.

Неговиот сон е сите да уживаат во бескрајното синило и затоа на дечиња со посебни потреби им помага да сурфаат.

Тој ја формираше непрофитната организација  „Surfability UK CIC“, каде и дечиња со церебрална парализа успеваат да го остварат својот сон.

Децата, кои на моменти се чувствуваат незадоволно поради своите физички ограничувања, на овој начин чувствуваат дека постигнале нешто и се горди на себе.

Кај нив се појавува адреналин и имаат предизвик кој сакаат да го изреализираат и тоа прави да се чувствуваат убаво.

Бенџамин открива дека ужива кога го гледа нивниот развој од седмица во седмица.

С. С. | Црнобело