Малите деца не учат кога е под −45°C: 14 факти за животот околу Северниот поларен круг

Детали

петок, 02 ноември 2018

Условите за живот се сурови, а во зима се будите и работите во ноќ. Цените на храната се вртоглаво високи, а исто така и одењето на одмор е речиси неизводливо.

Северен поларен круг (или арктички круг) е еден од петте главни напоредници на картата на светот. Подрачјето северно од поларниот круг се нарекува Арктик, а подрачјето веднаш на југ е северниот умерен појас.

Јакутск на пример е руски град сместен околу 450 километри под поларниот круг. Постојат и други населени места каде владее екстремен студ и тоа најмногу во Русија, Шведска и Норвешка.

Како се живее во пределот на Северниот поларен круг?

1. Постојат денови кога е забрането да се излегува од домовите поради ниските температури и силните ветришта. Најмалите деца не одат во училиште кога температурата е под −45°C, додека постарите ученици под −51°C. Секое утро им започнува со слушање на временската прогноза на радио. Инаку, студентите и вработените секогаш учат, односно работат.

2. Кога времето е лошо, авионите не може да летаат и има проблем со доставата на продукти. Бидејќи храната се носи од далеку, цените се вртоглаво високи. Но, постојат и локални продукти како риба и месо. Ловците и риболовците се многу значајни за луѓето да не умрат од глад кога нема можност за достава.

3. За време на поларната зима, а со тоа и поларната ноќ и да погледнете од прозорецот нема да успеете да откриете кој дел од денот e . Затоа препорачливо е секогаш да носите часовник. Сонцето го има само по неколку часа на ден и тоа срамежливо се обидува да продре низ маглата. Во останатиот дел од времето е темница. За среќа, белината на снегот и светилките малку ја ублажуваат ситуацијата.

4. За време на летото, доаѓа поларниот ден и сонцето не се трга од небото цело лето. За спиење мора да ставите темни завеси или маска на очите. Инаку, во лето луѓето стануваат поактивни и дружељубиви и дури и во 2 часот по полноќ може да видите како родители се шетаат со мали дечиња затоа што е сончево.

5. Луѓето имаат многу долги одмори, понекогаш дури и до 4 месеци. Тоа е одлично, но патувањата им се скапи затоа што прво со авион треба да одат до некој голем град, па дури оттаму до нивната дестинација за одмор. Некои си ги собираат деновите од одмор со години за да може да заминат некаде на 6 месеци. За нив не важи како за нас 10 дена на море.

6. Најдобра занимација во пролет и лето им е набљудувањето на огромните блокови мраз кои се придвижуваат. Тогаш има воодушевувачка глетка и прават одлични летни фотографии.

Уште 7 факти на следната страна...