Почитување правила, јавен превоз, точност: 6 работи кои им се чудни на Латиноамериканците кога се во Европа

Детали

среда, 07 ноември 2018

Кога зборуваме за Европа, не мислиме на цела, бидејќи секаде е сè различно – од јазик, до култура, храна и правила.

Но, одредени делови од континентот се многу слични, а кога луѓето од друг континент го посетуваат нашиот, имаат многу што да видат, но и да се зачудат.

Овојпат ќе се фокусираме на Латиноамериканците и како тие ја доживуваат Европа, односно каков е нивниот културен шок.

Чисти улици, почитување на правила и точност се дефинитивно работи кои за нив се изненадување.

Погледнете кои им се најчудни работи во Европа:

Почитување правила

Во Франција на пример но и во многу западно-европски земји, почитувањето на правилата е тема вредна за восхит. Граѓаните трпеливо го чекаат светлото на семафорот за да поминат соодветно и се придржуваат до сите останати правила, посебно во сообраќајот.

Екстремна точност

Чувството за одговорност е многу високо кај жителите на Западна Европа и тие се екстремно точни, што е чудно за Латиноамериканците.

Тие се изненадени како работите одат според стрелките на часовникот и речиси е невозможно да се задоцни некаде.

Што ќе изгубите – ќе најдете

Секако тука не се сите земји, но голем број од европските земји се екстремно безбедни, па ако заборавите нешто на јавно место, голема е веројатноста кога ќе се вратите да ве чека, или пак некој да ве контактира и да ви го врати.

Луѓето се полиглоти

На Латиноамериканците им е нормално луѓето да знаат англиски и шпански, но кога ќе видат дека во делови на Европа жителите зборуваат и повеќе од 2 јазици, како на пример во Белгија, тоа им е многу чудно.

Вклучувањето на постарите во општеството

Екстремно восхитувачки факт е независноста која им се дава на постарите лица во некои европски земји, каде може да се сретнат луѓе над 80 години кои шетаат сами, го користат јавниот превоз или возат сами, бидејќи општеството им нуди можност да се интегрираат во сите активности.

Јавниот превоз

Во повеќето земји во Европа, јавниот превоз е функционален и модерен, инфраструктурата е со висок квалитет, а Швајцарија и уште неколку земји се познати по одличен систем на поврзани мрежи за сите типови јавен превоз, што им е олеснителна и практична можност на сите граѓани.  

М. М. | Црнобело