Дрзок патник во авион, кој барал седиште до прозорец, го добил најдобриот одговор

Детали

четврток, 15 ноември 2018

Доброто и деталното читање на договорите кои ги потпишуваме, но и љубезноста, можат да нè поштедат од многу нервози. Сепак, некои луѓе ја учат оваа лекција на потешкиот начин.

Патник на една јапонска авиокомпанија уредно го чекирал својот билет, но кога го пронашол местото за седење, сфатил дека нема прозорец. Тоа го налутило, па бесот и лутината ги истурил врз стјуардесата, барајќи ѝ место до прозорец.

Ваквото однесување им пречело на другите патници, а еден од нив нацртал прозорец, облачиња и море и го залепил листот на местото каде би требало да има прозорец.

Оваа приказна за кратко стана вирална, откако фотографија од „прозорецот“ беше објавена на Твитер и беше споделена над 8.000 пати.

Сето ова можело да биде лесно избегнато доколку патникот јасно кажал дека бара седиште покрај прозорец кога го купувал билетот. Најголемиот дел од седиштата во авионите се покрај прозорец, но во некои се случува да има седишта и покрај „ѕид“, иако се во линијата на седишта покрај прозорец.

Она што е најважно во ваква ситуација е љубезноста, која на овој патник можела да му донесе или рефундирање на дел од парите за билетот или пак, доколку постоела можност, да биде преместен до прозорец.

Фотографијата што стана вирален хит:

https://twitter.com/kooo_TmS_suke/status/1059276556986732544/photo/1

Е. Д. | Црнобело