Од утрински молитви до продавање весници: Што се случува во 8 часот наутро на различни страни од светот?

Детали

петок, 16 ноември 2018

Сите имаме различни утрински ритуали – до 8 часот, некој веќе го има испиено утринското кафе, друг почнува со работа, а трет упорно стиска „snooze“ на алармот.

Животот на различни страни во светот многу се разликува, па така и утрински навики на луѓето од различни земји може да ве изненадат.

Белгискиот фотограф Pascal Mannaerts патувал до Азија, Африка и до Блискиот исток за да ги улови луѓето во утринските часови и да прикаже како изгледа тоа.

Неговата фото серија ја нарекол „8 часот наутро низ светот“, а го започнал проектот бидејќи сакал да ја улови прекрасната утринска светлина, како и чувството да го започнеш денот на непознато место со отворен и свеж ум.

Погледнете како изгледа утрото на луѓето на различни страни од светот и споредете го со вашето:

Младо момче ѝ намига на камерата додека ужива во утринскиот пијалак во Kyaiktiyo, Мијанмар

Група мажи си ги мијат забите во уличка пред да го започнат денот во Колката, Индија

Деловно облечен млад маж позира за камерата додека ужива во цигара пред да се упати на работа во Токио, Јапонија

Младо момче продава весници по улиците на Дака, Бангладеш

Жена седи на под и ја извршува утринската молитва во Јангон, Мијанмар

Младо момче се освежува утрински во река во Колката, Индија

Група млади монаси утрински се истегнуваат во Варанаси, Индија

Расположена жена се смее додека оди да ги заврши утринските обврски на фарма во Монголија

Аџиица лежи на под и се моли на улиците на Ласа во Тибет со бројаница пред неа

Патници се возат во метро и се занимаваат со весници и телефон во Токио, Јапонија

Група млади момчиња се забавуваат во утрото додека се бањаат во Варанаси, Индија

Маж оди бос по плажа додека сонцето се пробива низ маглата во Бенин

Маж ужива со затворени очи во утринските сончеви зраци во Џодпур, Индија

Постара жена пали стапче темјан за почеток на новиот ден во светиот град Вриндаван, Индија

М. М. | Црнобело