Ужасно болна процедура: Од 6 години им ги врзувале стапалата за да им бидат мали (фото)

Детали

понеделник, 25 март 2019

Овие жени денес имаат по 80 и 90 години, а родителите ги терале стапалата да си ги врзуваат уште од 6-годишна возраст.

Во најзафрлените делови на Кина сè уште постојат жени кои практикуваат болно врзување на стапалата со цел тие да им бидат мали.

Старомодната и болна практика е забранета со години, но од оваа архаична навика за убавина стара векови некои жени не се откажуваат.

Фотографот Камерон Хек излезе на терен и фотографираше некои жени кои сè уште се држат до оваа практика.

„Врзувањето на моите стапала беше толку болно, почнав да ги врзувам од 6 години, се сеќавам плачев многу и кога никој не гледаше јас си ги одвиткував завоите и ги врзував полабаво за да ја намалам болката. Ако ме фатеа родителите дека го правам тоа бев во неволја.

Процесот на правењето на моите стапала мали беше ужасно болен, но сега повеќе нема болка. Имаше и кршење на коски во моите стапала.“, изјави една 92-годишна жена.

Кинеската влада во повеќе наврати ја забрануваше оваа практика, која порано беше многу проширена низ оваа земја. Во минатото на жените со мали стапала покрај „добрата естетика“, придобивка било и што им се отежнувало движењето, па поголема била веројатноста дека ќе останат дома да готват, шијат облека и да се грижат за децата.

Дел од овие жени:

• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело