Деринкују - неверојатниот подземен град во Кападокија, кој се наоѓа 85 метри под нивото на земјата

Детали

среда, 23 октомври 2019

Со векови бил скриен од очите на јавноста, а откриен е дури во 1963 година, Деринкују е апсолутно волшебен инженерски потфат. Овој град е изграден на околу 85 метри под површината на земјата, а во него живееле 20.000 жители.

Според турското Министерство за култура, овој подземен град го изградиле Фригијците, индоевропскиот антички народ, во период од 8 до 7 век п.н.е., а се верува дека е проширен во ерата на Византиска империја.

За време на подемот на Персиското царство, градот се користел како место за бегалци, а подоцна како засолниште од инвазијата на Римјаните и Арапите. Градот е конечно напуштен за време на отоманската ера.

Деринкују се наоѓа во централниот дел на Анадолија во Турција. Според официјалната историја, градот ѝ припаѓал на Медијската Империја, првата Иранска империја.

Овој импресивен град не е единственото неверојатно археолошко откритие во Турција. Околу десетина други подземни градови (околу 200) се откриени во близина, од кои најмалку 40 имаат три ката.

Деринкују е веројатно најголемиот од нив, а подземните тунели го поврзуваат со четири други градови. Сите овие подземни градови можеле да примат околу 100.000 жители.

Целиот регион, полн со археолошки чуда, како што се природни пирамиди, подземни градови, градови врежани во карпи, се вика Кападокија.

Деринкују (Длабокиот бунар), како најголем подземен град во Кападокија, има 18 ката кои водат до длабочина од 85 метри под нивото на земјата. Низ градот тече свежа вода за пиење, постојат многу системи за вентилација, индивидуални станови, продавници, простории за комунални услуги, бунари, гробишта, како и специјални дупки за бегање.

Пронајдено е дури и училиште, како и специјални комори каде се чувале животните.

Градот е отворен за посетители, но само еден дел од градот може да се види. Повеќето од влезовите се толку тесни тунели што тешко може да се влезе.

Влезот го чува масивна кружна врата која е запечатена одвнатре, а секој кат од градот имаше своја врата.

Ашера | Црнобело