Секој 14-ти ден од месецот го посветуваат на љубовта – зошто Јужна Кореја има преслатка традиција?

Детали

вторник, 14 мај 2019

Славите годишнини од врските? Можеби специјално го одбележувате неколкумесечниот период поминат со вашиот партнер? За најголемиот дел од популацијата во светот 14 февруари, односно Св. Валентин е денот резервиран за срциња, вино, рози, чоколадо и љубов.

Но, во Јужна Кореја еден ден очигледно не е доволен. Токму затоа тие го слават секој 14-ти ден во секој месец од годината, славејќи ја љубовта обоена со најразлична тематика.

Како изгледа тоа? Според нас дефинитивно вреди да се проба, станува збор за интересна и преслатка традиција:

Јануари: Лични дневници

На 14 јануари двојките си подаруваат дневници или планери со цел да ги запишат своите заеднички планови, цели, но и ветувања кои планираат да ги остварат. Сакајќи да го симболизираат времето кое го поминале, но и ќе го поминуваат заедно во иднина, паровите си подаруваат свеќи во различни големини и бои.

Февруари: Св. Валентин

Иако важи за празник кој се прославува исклучиво од „помодарство“ и е дојден од западната култура, сепак 14 февруари се прославува и во Јужна Кореја, но на малку поинаков начин. Подароците и чоколадите ги купуваат и подаруваат жените, а според традицијата најдобро е доколку самите ги направат.

Март: Бел ден

На 14 март време е мажите да возвратат на гестот од претходниот месец. Овој пат тие се на ред да подаруваат чоколади, слатки и бонбони, но исклучиво во бела боја со цел да им покажат на партнерите дека припаѓаат заедно. Најчесто треба да подарат двојно или тројно повеќе чоколатца отколку што добиле.

Април: Црн ден

Во Јужна Кореја сингл луѓето дефинитивно не се заборавени. Мажите и жените се облечени во црно од глава до пети на 14 април. Се собираат заедно и ја јадат традиционалната паста Jajangmyeon направена од подебели пченични тестенини во црн соја сос во комбинација со зеленчук, месо или морски плодови.

Ова јадење е одбрано со цел да понуди утеха за сите оние кои не размениле никакви подароци во претходните месеци, со надеж дека следната година ќе биде подобро.

Мај: Жолт ден

Во Азија, жолтата боја симболизира љубов и двојките се облекуваат или си подаруваат жолти цвеќиња, најчесто рози на 14 мај.

Јуни: Ден за бакнување

Во Јужна Кореја, 14 јуни е одличен изговор за паровите да ја прослават љубовта низ еден од најуниверзалните начини во светот – бакнување. Многу врски кои штотуку започнале се официјализираат токму на овој романтичен ден со бакнеж.

Продолжува на следната страна...