„Беше како зоолошка“ - сведоштво за турканицата на Монт Еверст, каде загинаа 10 луѓе

Детали

понеделник, 27 мај 2019

Доктор од Аризона открива детали за суровата планинарска тура поради која во последните 2 месеци згаснаа најмалку 10 човечки животи.

Ед Дохринг, доктор од Аризона, сонувал целиот свој живот да се искачи на врвот на Монт Еверест. Но, кога конечно заминал на своето патување од соништата во мај 2019, бил вчудовиден од тоа што го пречекало.

Луѓето што се качувале, се туркале за да си направат селфи, чекал со часови во ред за да се искачи на замрзнат карпест терен со провалии од сите страни. Тој дури морал да го пречекори телото на една жена што починала таму.

„Беше страшно. Беше како зоолошка градина“, изјавил тој преку телефон од Катманду, Непал.

Ова беше една од најсмртните сезони на искачување на Еверест со најмалку 10 жртви. И барем некои од нив можеа да бидат избегнати.

Проблемот не биле ниту лавини, ниту неповолни временски услови со силни ветришта, туку преголемиот број издадени дозволи за искачување на планината, како и голем број на неискусни планинари.

Владата на Непал со цел да заработи што повеќе дала премногу дозволи. Резултатот бил турканица на височина од 8.800 метри, каде не се дозволени ниту најмали грешки и човековата хуманост е ставена на тест.

Планинарите исфрлале опрема и оставале само канистри со компресиран кислород за да стигнат до врвот и назад.

Само еден-два часа задржување горе може да значат смрт. Тешко е да се размислува во таква состојба.

Проблемот е што Непал нема строги правила за тоа кој смее да се качува на Еверест и тоа е рецепт за катастрофа.

Последен пат кога загинаа 10 или повеќе луѓе на Еверест беше во 2015 година поради лавина.

Годинава непалската влада издаде рекорден број од 381 дозвола за качување и виновник за тоа е корупцијата во непалската влада. Мај е најдоброто време за искачување, па затоа толку многу планинари го избрале токму овој период.

Во вакви ситуации многу луѓе паничат за себе и никој не размислува за тие што се онесвестуваат или умираат. Резултатот е вистинска трагедија.

Снимка од британски планинар на Еверест, кој потоа почина:

С. С. | Црнобело