Чернобил се трансформира во неверојатен природен резерват, сега отворен и за јавноста

Детали

вторник, 11 јуни 2019

Во 30-те години после ужасната нуклеарна катастрофа во Чернобил, целото место поминало низ бавен процес на одново раѓање. 

 

Преку губењето на животите и напуштањето на домовите, настанало нешто навистина изнендувачко – со текот на годините, Чернобил станал дом на секаков вид диви животни.

Околу Исклучената зона, која се протега на радиус од 30 километри од електраната, природата почнала да си го враќа она што го уништиле луѓето.

Пред несреќата во 1986-та година, во Чернобил и Припјат живееле околу 120.000 луѓе. Сега областа околу електраната буквално цути со живот. И покрај ослободената радијација, флората и фауната почнале да заживуваат.

Во 2015-та година, истражувачи од Велика Британија објавија информации кои покажуваат дека денес овде има многу повеќе животни отколку пред катастрофата.

 

Имено, елени, срни, лисици, волци и многу други видови го искористиле отсуството на луѓе и ги поставиле своите корени. Голем број ретки видови за кои се мислело дека се исчезнати од областа, биле забележани во Исклучената зона.

Интересно е што ова зголемување на цицачите е спротивно од севкупниот тренд на делови од поранешниот Советски Сојуз, каде што бројот на цицачи се намалува.

Иако туризмот во Чернобил не е ништо ново, посетителите кои сакаат да ја видат природата ќе бидат задоволни со „еко“ турите. APB-Birdlife Belarus, најголемата приватна организација за конзервација во државата, почна да ги води овие посебни искуства.

Она што ја прави областа толку уникатна е што за разлика од другите делови од Чернобил, оваа област ѝ се отвори на јавноста дури во декември минатата година. Денес местото е дом на речиси 70% од видовите птици во државата, како и бројни волци, мечки и вепари.

„Замислете си празни села проголтани од вегетацијата и окупирани од нови диви жители, бујни шуми, зелена трева и вистинска шанса да сретнете елен и волк на патот“, напишале од организацијата.

Уште подобро е што организацијата го користи целиот профит за локалниот див свет, па не само што ќе искусите и видите нешто неверојатно, туку ќе дадете и нешто за возврат.

Прочитајте и: Морничави фотографии од градот на духови Припјат, 33 години по катастрофата Чернобил

Спирова С. | Црнобело