Нова исповед по мистериозните смртни случаи на туристи на одмор во Доминиканската Република

Детали

среда, 19 јуни 2019

Во два ексклузивни ресорти во Доминиканската Република има 5 неразјаснети ненадејни смртни случаи, a уште 4 случаи во други ресорти од минатата година досега. Сега, и Рајан Даф го раскажува своето искуство.

Во американските медиуми постојано осамнуваат информации за туристи оттаму кои ја посетиле Доминиканската Република и се соочиле со здравствени проблеми, а во фокусот на вниманието се неколкуте мистериозни смртни случаи.

Пар од Мериленд и жена од Пенсилванија се пронајдени мртви во исто туристичко одморалиште. Од минатата година досега 9 американски граѓани починале во Доминиканската Република.

Тројца од нив починале во ресортот Bahia Principe во Ла Романа во рок од неколку дена, а двајца од нив починале во Hard Rock Hotel & Casino во Пунта Кана.

Некои велат дека се сомневаат на инсектициди кои се расшириле преку клима системите во ресортите, други на пијалаци, но причината за смртните случаи сè уште не е утврдена. Многу Американци ги откажуваат своите патувања во оваа егзотична земја.

Доминиканската влада се обидува да ја спречи паниката со хаштагот на Инстаграм #BeFairWithDR, каде нагласуваат дека нема потреба за паника и ги посочуваат убавините на оваа земја.

Во магазинот People осамна исповед на Рајан Даф, Американец кој откако прочитал за мистериозните смртни случаи се потсетува какво лошо искуство имал и тој во Доминиканската Република минатата година.

31-годишниот Рајан открива дека со својот партнер бил на патување во ресортот Hard Rock Hotel & Casino во Пунта Кана за да присуствуваат на свадбена прослава на нивни пријатели.

Пред да почне приемот се почестиле со пијалак од минибарот. Рајан пиел рум.

„Почнав да се чувствувам како во делириум, како да бев во сон. Беше навистина страшно.

Го повикав лекарот од ресортот и ми кажа дека изгледам многу лошо и дека можеби имам некоја тропска болест.

Бидејќи немаше итна помош, земав такси и појдов во најблиската болница.

Со часови докторите ми правеа тестови, но излегоа негативни. Откако малку се стабилизирав решив да се вратам во хотелската соба.

Сега, го споделувам ова искуство затоа што ми беше навистина сомнително, а сега гледам вести за Американци кои починале во истиот ресорт.

Во тие мигови се чувствував толку болно што мислев дека ќе умрам.“

Веста за последните смртни слуачи:

С. С. | Црнобело