„Беше влакнеста, па ѝ ги вадев влакната во сон“ – Мајка критикувана што ја исчупала 15-месечната ќерка

Детали

четврток, 27 јуни 2019

Анонимна мајка добила низа критики откако се исповедала дека ѝ ги исчупала веѓите на 15-месечната ќерка од естетски причини.

Со чувство на грижа, анонимна мајка се обратила на Reddit за да праша дали е лошо тоа што го направила, секако без фото докази.

Нејзината 15-месечна ќерка била прекрасна и се родила со коса и големи трепки, но со тек на време веѓите почнале да ѝ се спојуваат, па таа одлучила да ѝ го извади вишокот влакна на лицето.

Откако нејзината пријателка ја осудила за постапката, таа решила да праша и други непознати за нејзиното дело:

„Пред 15 месеци родив прекрасно девојче. Отсекогаш била влакнеста. Беше родена со коса и прекрасни трепки.

Но, со тек на време, веѓите почнаа да ѝ се спојуваат на средината. На почетокот не беше страшно, но во последниве 4-5 месеци станаа погусти.

Од естетски причини, решив да ѝ ги извадам додека спие. Кога се бдуеше, престанував. Успеав да ги извадам сите за неколку дена. Не мислев дека е нешто лошо.

Но, една пријателка ме осуди за чинот откако и признав искрено дека сум го направила тоа. Не знаев што да кажам, но очигледно потоа се чувствував несигурно. Мојот сопруг ми рече дека премногу размислувам, но не знам.

Ве молам за искрен фидбек.“

Очекувано, фидбекот е негативен, а мајката добила низа критики. Многумина сметаат дека тоа не е нејзин избор и се прашуваат дали наскоро ќе почне да ѝ ги депилира и нозете.

Други, велат дека за бебето не значи ништо ако има густи веѓи, а за мајката, тоа што ѝ ги вади влакненцата едно по едно на ќеркичката бидејќи не е доволно убава, може да остави трајни последици.

Помеѓу оние кои упатија лоши критики, се најдоа и такви кои ја оправдаа и поддржува, бидејќи како мали се соочувале со исмејување од такви причини, па велат дека е подобро некои работи да се направат на овој начин.

Што мислите вие за оваа мајка?  

M. M. | Црнобело