Разочарувачка фотка: Птица го храни своето малечко со отпушок од цигара
- Детали
- понеделник, 01 јули 2019
Неодамна, на една плажа во Флорида била фотографирана птица која се обидува да го нахрани своето малечко со отпушок од цигара.
Фотографијата е дело на Керен Мејсон и ја направила на 20-ти јуни. Керен ја објавила фотографијата, а во описот напишала: „Ако пушите ве молам не оставајте ги отпушоците зад вас.“
Исто така, таа додала: „Време e да ги исчистиме нашите плажи и да престанеме да ги третираме како еден огромен пепелник.“
Некои од луѓето кои коментирале на фотографијата изјавиле дека е срцепарателна и катастрофална. Дел од коментарите гласат:
„Тие не ги сакаат отпушоците како ние. Време е да ги забраниме, насекаде! Што е со нашите права? На природата? Токсичноста е надвор од контрола!“ и “Малата птица треба да стане постер за промена.“
If you smoke, please don’t leave your butts behind
Posted by Karen Catbird on Monday, 24 June 2019Керен набрзо добила стотици барања од медиуми ширум светот кои сакале да ја споделат нејзината фотографија. На ова таа одговорила дека ќе направи што било што ќе ги натера луѓето да размислат пред да фрлаат ѓубре
Според Комисијата за заштита на рибите и дивиот свет во Флорида, овој вид птици прават гнезда покрај плажите и се таму од мај до септември, секоја година.
Отпушоците од цигари со децении се најсобираниот отпад од плажите ширум целиот свет. Наша задача е да се грижиме не само за себе, туку и за околината и животите со кои ја делиме планетата.
Спирова С. | Црнобело
Би можело да ве интересира:
