Аутистично девојче носело само еден модел на фустан - Твитерџиите се сплотија за да ја усреќат

Детали

четврток, 11 јули 2019

Неодамна една жена, Дебора Прајс, објавила на Твитер дека има пријателка чија ќерка е со аутизам. Малото девојче сакало да носи само еден фустан, кој веќе не е на продажба, па таа побарала помош за да најде повеќе такви модели.

Името на девојчето е Елси и наводно таа била навистина приврзана за фустанот. Дебора се надевала дека со помош на Твитер ќе најде уште некој со таков фустан што ќе сака да ѝ го продаде. Она што не го очекувала е дека огромен број луѓе ќе ја понудат нивната помош.

Дебора била пријатно изненадена од добрината на луѓето, откако стотици девојки и жени ѝ одговориле на објавата и ѝ помогнале да го најде фустанот.

„Аутистичната ќерка на мојата пријателка го носи само овој фустан. Немојте да судите. Понекогаш луѓето не можат да се справат со одредени нешта и тоа не е важно кога ја гледате големата слика, зарем не? Прашањето е дали некој го има овој фустан од пред 3 години за 11-годишна возраст за да го купиме?“, стоело во нејзината објава.

Friend’s autistic daughter only wears this dress. Don’t judge. Sometimes people can’t cope with certain stuff &it doesn’t matter in the grand scheme of things does it. Question is has anyone got this @nextofficial dress from 3yrs ago in age 11plus & if so can we buy them off you? pic.twitter.com/unQQeWWZma

— Deborah Price (@deborahprice1) July 6, 2019

Само неколку минути подоцна, луѓето почнале да споделуваат линкови од фустанот на eBay, а некои дури се понудиле и самите да го направат. Најинтересното е што дури и продавницата што го продавала фустанот се огласила.

Наводно, тие повеќе не го продавале тој модел, но ветиле дека ќе ја контактираат фабриката за да дознаат дали може да се направи уште некое парче од фустанот.

Hey Deborah, we have dropped this item from our range but we'd still like to help get this item for your friend's daughter. We can't guarantee it but we will try our very best to contact the supplier and see if we can produce a few more batches of this dress.

1/2

— Next (@nextofficial) July 6, 2019

Една жена ѝ кажала дека го има истиот фустан за 16-годишна возраст, на што Дебора одговорила дека е одлично, бидејќи ќе може да го носи уште неколку години.

Друга жена изјавила дека го има фустанот за 10-годишна возраст и дека со задоволство ќе ѝ го испрати.

Една девојка по име Мила го пронашла истиот фустан што го носела кога имала 12 години, па и таа се понудила да ѝ го испрати.

She’ll eventually grow out of her fascination with this dress or not. Who cares. Doesn’t matter. It would just give her and her mum a bit of breathing space and make the dress stress less. Well you know how Twitter’s generally a bit of a bear pit these days? Well.. 2/10

— Deborah Price (@deborahprice1) July 7, 2019

Дебора била воодушевена од добрината на луѓето кои воопшто не ги ни познава, а се понудиле да ѝ помогнат, па им се заблагодарила на оние кои ветиле дека ќе го испратат фустанот.

„Вие сте неверојатни, а и вашите мајки се исто така неверојатни бидејќи одгледале такви прекрасни ќерки, но вие сте прекрасни бидејќи направивте едно девојче среќно“, напишала Дебора.

Мајката на Елси го искористила Фејсбук за да им се заблагодари на сите што ставиле насмевка на лицето на нејзината ќерка.

„Елси сака да каже огромно благодарам на сите кои ни помогнаа да најдеме уште вакви фустани“, напишала таа.

Извор