Инфлуенсери кои беа осудени од јавноста поради нивното однесување

Детали

недела, 11 август 2019

Денес е вистински тренд да се осудуваат инфлуенсерите, па луѓето ја бараат секој прилика за тоа. Иако најчесто злобните коментари се од љубомора, понекогаш инфлуенсерите одат предалеку за да привлечат внимание.

Во продолжение погледнете неколку ситуации во кои инфлуенсерите навистина претерале.

Фотографирање во Музејот Аушвиц

Луѓето што го посетуваат Аушвиц најчесто го прават тоа за да оддадат почит и да научат нешто повеќе за тамошните ужаси. Но, постојат и оние кои се однесуваат недолично само за да направат фотографија за Инстаграм.

Бидејќи го забележале ова, дури и од музејот препорачале да не го користите местото како позадина за вашите Instagram фотки:

„Кога ќе дојдете во Музејот Аушвиц запомнете дека сте на место каде што биле убиени над 1 милион луѓе. Почитувајте го нивото сеќавање.

Постојат подобри места каде што можете да научите да одите по пруги наместо местото што ја симболизира депортација на илјадници луѓе до нивната смрт“, стои во нивна објава на Twitter.

?lang=en

Споредба со животот на работниците

Инстаграмџиката Натали Шалер има над 12.000 следбеници и со една објава успеала да ги разгневи речиси сите. Таа објавила фотографија на која позира во бикини пред полиња со ориз. Проблемот е описот што го ставила на фотографијата:

„Размислувам за тоа колку ми е поразличен животот од мажот кој секое утро работи на полето со ориз.“

Инстаграмџиите веднаш реагираа бурно и ја нарекоа Натали плитка и без чувства.

Жена уништила растенија за фотографија

Оваа жена ги изгазила растенијата во една градина само за да направи фотографија за Instagram. Фотографија во продолжение била објавена на Reddit, а корисникот што ја објавил напишал:

„Неколку луѓе ја замолија да престане и таа ги игнорираше сите. По некое време дојде обезбедување и ги изнесе и неа и фотографот. И на двајцата им рекоа никогаш да не се враќаат.“

Јога на споменикот за холокаустот во Берлин

Слично како и Аушвиц, и овој споменик е овде за да нè потсети на ужасите од нашето минато. Но на некои не им е грижа за тоа. Една девојка се фотографирала како вежба јога на споменикот, нешто што разгневи многумина.

Според многу интернет корисници, ова е вистинско непочитување на оние кои ја претрпеле трагедијата.

Опасен бакнеж

Кели и Коди се познати инстаграмџии кои објавуваат фотографии од патувања. На една фотографија се гледа парот како се бакнува, додека Кели „виси“ од базенот на голема височина. 

Инстаграмџиите го критикувале парот дека отишле предалеку само за да ја покажат силата на Коди. Проблемот е што луѓето ги копираат инфлуенсерите и кога некој друг ќе се обиде да ја повтори фотографијата, може да настрада.

Лажно патување во Париз

Како филтрите и алатките за обработување фотографии да не се доволно, некои инфлуенсери го носат лажењето на сосема ново ниво. Инфлуенсерката од Шведска, Џоана Олсон се обидела да ги излаже своите следбеници дека била во Париз.

Но нештата не оделе по план бидејќи сите ја забележале лошата обработка на Photoshop. Таа изјавила дека се фотографирала во Париз, но не ѝ се допаднала фотографијата. Потоа направила друга фотографија и само додала позадина од Париз.

Фотографирање во Чернобил

После серијата Chernobyl, Припјат им стана омилена локација на инфлуенсерите. Видовме безброј фотографии од овде, без никакво објаснување за значењето на местото.

Но дури и креаторите на серијата почнаа да ги предупредуваат дека всушност си го загрозуваат животот и ги замолија да престанат да го посетуваат местото само за да се фотографираат.

„Оддавање почит“ на жртвите од пожарите во Калифорнија

Многу инфлуенсери објавија фотографии за да им оддадат почит на жртвите од пожарите во Калифорнија. Но, проблемот е што фотографиите немаат никаква врска со трагедијата.

Многу интернет корисници ги осудија овие инфлуенсери дека ја користат оваа можност за внимание и уште полошо, за да ги рекламираат нивните тела.

?ref_src=twsrc%5Etfw%7Ctwcamp%5Etweetembed&ref_url=https%3A%2F%2Fwww.buzzfeednews.com%2Farticle%2Fjanelytvynenko%2Finstagram-influencers-california-wildfires

Извор