Николета Ривера - Јутуберка без раце која вели дека може да направи сѐ


Николета Ривера - Јутуберка без раце која вели дека може да направи сѐ

Николета Ривера е 21-годишна Јутуберка од Пенсилванија и е родена без двете раце. Сепак, ова не ја спречило да го живее животот со полни гради.

nikoleta-rivera-jutuberka-bez-race-koja-veli-deka-mozhe-da-napravi-se-01.jpg

Тоа што нема раце не ја спречува да ги извршува сите свои обврски.

„Научив да се шминкам со помош на YouTube. Точно знам што сакам од шминката, па ретко дозволувам некој друг да ме нашминка. Не можам сè да дофатам со нозете, па ја мрдам главата и така компензирам. Фризурите не ги правам сама, туку ми помага мајка ми.“

Кога мајка ѝ останала бремена со неа, лекарите ѝ кажале дека сè е во ред.

Но, во текот на седмиот месец од бременоста, се открило дека Николета нема раце. Иако лекарите сметале дека за Николета постојат 99% шанси да умре, таа се родила во одлична здравствена состојба. Како што рекла мајка ѝ, била дури и најздравото бебе во болницата.

Николета следела неколку канали за шминкање на YouTube уште од 14-годишна возраст. Откако сфатила дека ужива во шминкањето, Николета решила да направи свој YouTube канал, кој денес има над 3.000 претплатници.

Нејзиниот Instagram профил, пак, има околу 2.000 следбеници.

Николета смета дека е како и секоја обична девојка и денес живее со нејзиниот вереник Зек.

„Прв ѝ пратив навистина ризична порака, и за среќа, ми одговори. Бев навистина нервозен и сметав дека е неверојатна уште од самиот почеток“, изјавил Зек за неговата сакана.

View this post on Instagram

we love baseball szn ⚾️

A post shared by nicolette rivera (@nicoletteriveraa) on

View this post on Instagram

forever (fall)ing in love with you 🧡

A post shared by nicolette rivera (@nicoletteriveraa) on

На парот не му е грижа што понекогаш добивале чудни погледи и воопшто не им замерувале на оние кои го правеле тоа.

„Јас сум само обична девојка. Која е разликата што Зек е со мене, а не со некоја друга девојка?“

View this post on Instagram

We did it 🔑💕

A post shared by nicolette rivera (@nicoletteriveraa) on

Пораката што сака да ја пренесе Николета е едноставна:

„Ако мислите дека не можете да направите нешто, можете, само треба да се потрудите.“

View this post on Instagram

🥵

A post shared by nicolette rivera (@nicoletteriveraa) on

Николета изјавила и дека никогаш во животот не била малтретирана или исмејувана поради нејзината состојба. Најчесто, луѓето ѝ пријдувале бидејќи биле љубопитни за тоа како се снаоѓа и дали ѝ треба помош.

View this post on Instagram

twenty-fun on the twenty-thirst 🍾⚡️🖤

A post shared by nicolette rivera (@nicoletteriveraa) on

Мајка ѝ изјавила дека ретко кога Николета барала помош и секогаш се обидувала самата да си ги заврши сите обврски.

Оваа девојка, без сомнение, е вистинска инспирација за сите нас.

Спирова С. | Црнобело

Би можело да ве интересира:

Како изгледа градот на Алјаска каде речиси сите живеат во една зграда?... Во зградата се и полициската станица, маркетот, клиниката, црквата и училиштето,...
Девојка го остави момчето дома и појде на гратис патување од 22.000 ев... Што мислите дали момче од Македонија би ѝ го дозволило ова на својата партнерка?...
Жена за првпат стана мајка на близначиња на 50 години, по низа спонтан... Го чекала вистинскиот, но не дошол, па од 39-годишна возраст минала години и год...