Под улиците на Париз се кријат катакомби отворени за туристи

Детали

недела, 24 ноември 2019

Сите го знаеме Париз како еден од најпосетуваните европски градови, полн со уметност, културни атракции и можности за уживање и разонода.

Она што се наоѓа на неговите улици е префинето и може да го привлече секој од нас.

Но, малкумина се запознаени дека под истите улици каде што се простираат симпатични ресторани, луксузни продавници и кафетерии постојат тунели долги 200 милји, исполнети со скелети и коски.

До 17 век во Париз живееле многу луѓе и во еден период целиот град бил преплавен со гробишта и лешови. За да не се уништат, дошло до решение скелетите да се постават во подземни тунели.

Ова практика датира уште во 13 век кога целиот Париз бил со варовнички камења пред да се изгради во просперитетен град.

Кружат секакви приказни од тоа време, а посебно е интересна за населбата Les Halles. Пред неколку векови граѓаните се пожалиле дека почнало да се шири непријатна миризба од распаднатите тела, а производителите на парфеми имале сериозни проблеми.

Многупати се разгледувало прашањето да се преместат гробиштата надвор од градот, но никогаш не се случило тоа. Па така, една пролет многуте дождови го срушиле ѕидот на мртвите и гнилите трупови ги распрснало во соседните имоти.

Поради тоа градот одлучиле дека треба да најдат друго место за да ги стават труповите. На градот му требале 12 години да ги пренесе сите коски во катакомби.

За време на Француска револуција мртвите биле погребувани директно во катакомбите.

Денеска е познато дека под познатите париски улици лежат над 6 милиони коски, собирани со текот на вековите.

Испреплетените тунели кријат многу приказни за љубов и одмазда, тага и радост, предавство и вечно пријателство.

Така што кога следен пат ќе го посетите Париз, направите отстапка од редовните рути и препуштете се да ја спознаете скриената страна на француската престолнина.

Автор: Е. Х. | Црнобело