17 настани што докажуваат дека 2019-та беше одлична година

Детали

петок, 27 декември 2019

Сте забележале ли дека повеќе внимание им обрнувате на лошите вести? Едно истражување покажало дека повеќето луѓе го прават ова и секогаш подобро ги помнат лошите вести.

Причината за ова е нашиот мозок, кој е „програмиран“ да забележува потенцијални закани. Иако денес живееме во еден од најмирните периоди во историјата, нашата психа сè уште нè тера да се фокусираме на негативното.

Но само затоа што им обрнувате внимание на лошите вести, не значи дека годинава не се случило ништо добро.

Следниве настани ќе ви покажат дека 2019-та навистина беше одлична година:

1. Во Холандија, на покривите на 316 автобуски постојки беа посадени цвеќиња со цел да им се помогне на пчелите.

2. Грбавите китови беа пред истребување, но годинава нивниот број се зголеми. Изминатиов век имаше околу 450 грбави китови, но денес има речиси 25.000.

3. Организацијата Vet Friends Foundation направи навистина интересен проект - тие бараат стари осамени воени ветерани и им нудат да вдомат бездомно куче. Истовремено, организацијата ги покрива сите медицински трошоци за кучињата.

4. Норвешка одлучи да не копа нафта на островите Лофотен, иако се проценува дека нејзината вредност е околу 60 милијарди долари.

5. Во Сеул, Јужна Кореја почнаа да се организираат дневни диско забави. Забавите се за луѓе постари од 65 години и им помагаат да се справат со деменцијата и осаменоста.

6. 20 афрички држави станаа дел од огромен проект – учествуваат во изградбата на Големиот зелен ѕид, чија цел е да го спречи сечењето на шумите во Африка. Досега се спасени околу 32 милиони хектари земја. По завршувањето, ѕидот од дрвја и растенија ќе биде со должина од 8.000 километри, ќе зафаќа површина од 100 милиони хектари и ќе биде видлив од вселената.

7. Тереза Качиндамото од Малави успеа да раскине 3.500 присилени бракови и да ги спаси малолетните девојчиња. Истовремено, таа им овозможи да го продолжат нивното образование.

8. Од 2019-та, во Рим можете да платите за јавен превоз со пластични шишиња. Уште во првиот месец од програмата, беа собрани околу 100.000 пластични шишиња.

9. Европскиот парламент изгласа забрана за користење пластика за една употреба. Законот треба да стапи на сила во 2021-ва и ќе важи за сите држави членки на ЕУ.

10. Во Калифорнија на сила стапи закон против суровост кон животните, со кој се забранува продажба и купување на продукти од природно крзно.

11. Владата на Костарика постави забрана за правење селфи фотографии со диви животни.

12. Во Амстердам се прославија навистина интересни пловења по каналите. Туристите можат да уживаат во глетката, но и да собираат отпад од водата со помош на мрежа. Досега се собрани околу 146.000 пластични шишиња.

13. Годинава, Нобеловата награда за медицина му припадна на истражување кое ја проучуваше реакцијата на клетките на телото изложени на различно количество кислород. Ова е вистинска револуција во онкологијата – ако клетките на туморот не добиваат доволно кислород, тие ќе престанат да растат. Па, оваа терапија би можела да ја замени хемотерапијата.

14. Научниците направија храна за мачки која ја спречува појавата на алергиска реакција кај луѓето.

15. Холандија стана првата држава во светот во која нема кучиња скитници.

16. Во 2019-та, дури 40 држави ја забранија употребата на диви животни во циркусите.

17. Градежникот Стив Томпсон годинава освои 136 милиони долари на лотарија. Но, тој продолжи со неговата работа како градежник, само што сега не им наплаќа на муштериите. Наводно, тој сакал неговите клиенти да можат да си купат новогодишни подароци, наместо да му плаќаат него.

Спирова С. | Црнобело