Јапонија е прва, Македонија – 47-ма: Најмоќни пасоши за 2020-та и колку земји може да посетиме без виза?


Јапонија е прва, Македонија – 47-ма: Најмоќни пасоши за 2020-та и колку земји може да посетиме без виза?

Без разлика дали сакаме да го прифатиме ова или не, но нашите пасоши се спроводници до остатокот од светот. Тука играат многу фактори, некој е привилегиран што поседува одреден вид на пасош, а друг е „казнет“.

koi se najmokjnite pasoshi vo svetot za 2020 godina 4

Обично парче хартија поседува голема моќ и на некои среќници им дава пристап до кое и да сакаат место во светот, а на останатите им ја ограничува слободата на движењето и претставува голема пречка со која се соочува модерниот човек.

Еве, веќе е 2020 година и го имаме глобалниот извештај за мобилност со која се испитува моќта на пасошот на секоја нација. Интересно е што на ранг-листата, држави од Азија стојат на самиот врв, а европскиот пасош се спуштил малку подолу.

Годинава, првото место ѝ припаѓа на Јапонија, пасошот овозможува посети во дури 191 држава и се однесува на земји за кои не е потребна виза или истата можат да ја подигнат при пристигнување.

koi se najmokjnite pasoshi vo svetot za 2020 godina 1

На второ место е пасошот на Сингапур со пристап до 190 држави, а по овие две земји, на листата следуваат Германија и Јужна Кореја со можност да посетат 189 држави. 

Финска и Италија пак, можат без виза да посетат 188 држави

На петто место се наоѓаат Данска, Луксембург и Шпанија со можност да посетат 187 држави.

Ако веќе толку сакате да знаете... Македонија се наоѓа на 47-мо место и без виза може да посети 123 држави во светот, а кога ќе подразмислиме и не е толку страшно. Тука може да ја видите листата со земји кои можеме да ги посетиме со нашиот пасош.

Од регионот, над нас со помоќен пасош на листата се најдоа Грција со моќност за посета на 184 земји, Словенија со пристап до 180 држави, Бугарија со 171, Хрватска со 169, Србија со 133 држави и Црна Гора, едно место пред нас, со безвизен пристап до 124 држави.

На пример, постојат држави како Пакистан и Сомалија кои можат да посетат само 32 држави, по нив следува пасошот на Сирија со 29 државиИрак со 28 земји

На последно, 107-мо место се наоѓа Авганистан со безвизен пристап до само 26 држави.

koi se najmokjnite pasoshi vo svetot za 2020 godina 2

Списокот е навистина долг. За подетален преглед и повеќе информираност, посетете го сајтот The Henley Passport Index.

Автор: Евгениј Хоуп | Црнобело

Би можело да ве интересира:

За светот има надеж: 12 докази дека не е сè така црно Брачен пар собрал 15 милиони долари за разделените мигрантски семејства. Да...
10 земји во светот во кои се јаде најмногу чоколадо Еден Швајцарец јаде околу 10.8 килограми чоколадо годишно, а еден Кинез само 100...
Немате право да се жалите дека ви е ладно: Замрзнато момче пешачело 5 km на -9⁰С за да стигне на тес... 9-годишно момче од Кина, пешачело околу 4.8 km до неговото училиште на -9⁰С за д...