Холивудската легенда Кирк Даглас почина на 103 години – веста ја соопшти синот Мајкл

Детали

четврток, 06 февруари 2020

Легендарниот актер, Кирк Даглас, во средата почина на 103-годишна возраст опкружен со најблиските – неговата сопруга и трите синови.

Веста за згаснувањето на животот на Кирк, ја соопшти неговиот син, Мајкл Даглас. Во Инстаграм објава тој напиша:

„Со огромна тага јас и моите браќа соопштуваме дека Кирк Даглас нѐ напушти денес на 103-годишна возраст. За светот, тој беше легенда, актер од златното доба на филмовите, кој живееше добро во неговите златни години, хуманитарец кој постави стандарди кон кои сите ние се стремиме, благодарение на неговата посветеност.

Но за мене и моите браќа Џоел и Питер, тој беше едноставно татко, за Кетрин – прекрасен свекор, за неговите внуци и правнуци – нивниот сакан дедо, а за неговата сопруга Ана – прекрасен сопруг.

Кирк добро го живееше животот и остави филмско наследство кое ќе трае со генерации. Дозволете ми да завршам со зборовите кои му ги кажав на неговиот последен роденден и кои секогаш ќе останат вистинити.

Тато – те сакам многу и горд сум што сум твој син.“

Сопругата на Мајкл Даглас, Кетрин Зита-Џонс, која го обожаваше Кирк, објави фотографија со него и напиша: „До мојот драг Кирк, ќе те сакам до крајот на мојот живот. Спиј цврсто.“

Колегите и останатите познати личности се збогуваат со Кирк преку пораки на социјалните мрежи:

?ref_src=twsrc%5Etfw%7Ctwcamp%5Etweetembed%7Ctwterm%5E1225209179133972486&ref_url=https%3A%2F%2Fwww.itv.com%2Fnews%2F2020-02-06%2Fcelebrities-pay-their-respects-to-kirk-douglas%2F

?ref_src=twsrc%5Etfw%7Ctwcamp%5Etweetembed%7Ctwterm%5E1225205769420726272&ref_url=https%3A%2F%2Fwww.itv.com%2Fnews%2F2020-02-06%2Fcelebrities-pay-their-respects-to-kirk-douglas%2F

М. М. | Црнобело