Мајкл Џордан плачеше: „Кога загина Коби, умре и дел од мене... Сега ќе станам МЕМЕ што плаче“...

Детали

понеделник, 24 февруари 2020

На комеморацијата за Коби и Џиана Брајант, со солзи во очите одржа поздравен говор и Мајкл Џордан. Тој зборуваше за нивниот пријателски однос, и покрај тоа што сите ги сметале за ривали.

Мајкл Џордан со солзи во очите се потсетуваше на најубавите моменти со неговиот колега, кој го нарекува помлад брат.

„Сите знаете дека јас на него гледав како на помал брат. Сите сакаа да нe споредуваат. Јас сакав само да зборувам за Коби. Сите ние имаме помали браќа и сестри кои понекогаш стануваат здодевни. Но, тоа прераснува во љубов бидејќи тие се угледуваат на вас.

Почна постојано да ми се јавува, дури и во 3 часот наутро, за потези и шутеви. Прво ме нервираше. Но, ова дете ја имаше пасијата. Тој сакаше да биде најдобриот кошаркар. А, јас, сакав да му бидам најдобриот поголем брат. Морав да трпам многу работи, телефонски повици и глупави прашања. Но, тој само сакаше да биде подобра личност“.

Мајкл не ги маскираше своите емоции, зборуваше отворено за Коби и допре до многу срца со неговиот говор.

„Кога тој загина, умре и дел од мене“. - рече Џордан, уште еднаш нарекувајќи го Коби свој помал брат, а од публиката доби овации.

„Заради него сега ќе прераснам во уште едно меме како плачам“ – рече Џордан и успеа да ја насмее публиката, потсетувајќи се на неславното меме за него „Џордан плаче“, кое вирално се ширеше уште во 2009-та.

Целиот говор на Мајкл Џордан:

https://www.youtube.com/watch?v=PoyhZz4vMOw

Не го пропуштајте и емотивниот говор на Ванеса Брајант.

Е. П. | Црнобело