Турнеја со холограм од Витни Хјустон, 8 години по нејзината смрт – би отишле ли на ваков концерт?

Детали

среда, 26 февруари 2020

Смртта на 48-годишната Витни Хјустон во 2012-та го потресе целиот свет. Но денес, 8 години по трагичниот настан, нејзините фанови можат да уживаат на концерт со нејзин холограм.

Холограмот на Витни веќе ја започна турнејата насловена „An Evening With Whitney“ и се очекува да „настапи“ низ Велика Британија и Европа, а подоцна и Америка.

Она што ќе го гледаат фановите на сцената е всушност дигитална рекреација на Витни направена со помош на двојник, компјутерска анимација и стотици часови снимки од настапи на пејачката.

Холограмот ќе биде проектиран на сцената, а во заднина ќе има вистински бенд и професионални танчари.

Минатата година, компанијата BASE Hologram соопшти дека направиле холограм од пејачката, па дури и ја најавија турнејата. Кратко пред концертот, тие споделија и видео.

Here’s a peek into An Evening With Whitney: The Whitney Houston Hologram Tour! ✨Opening night kicks off tomorrow in Sheffield, UK.

For all dates & info: https://t.co/4PmEkioeWs pic.twitter.com/gYtJSICB36

— BASE Hologram (@BASEHologram) February 24, 2020

Првиот настап беше во Англија, и сега се очекуваат концерти во Шкотска, Ирска, Холандија, Белгија, Швајцарија, Германија… Наесен ќе има концерти и во Северна Америка.

Синоќа, холограмот „настапи“ во Шефилд, пред публика од 1.800 фанови кои со задоволство платиле од 30 до 65 фунти за целото искуство. А, според твитовите, речиси никој од присутните не останал разочаран.

https://twitter.com/AllAboutWhitney/status/1230152210341744640

So Emotional waiting to see the #WhitneyHouston@BASEHologram tour @SheffCityHall!#Sheffield pic.twitter.com/ZPTSuIUZJb

— Joleen White & Pete Aldred (@JacksLantern19) February 25, 2020

WOW... So #AnEveningWithWhitney was incredible! Only song she didn’t sing was One Moment In Time pic.twitter.com/OHUPRr7Tag

— Lewis (@lewisiantyree) February 25, 2020

Но, некои сметаат дека нема потреба од сето ова. Витни сепак веќе не е жива и нема потреба вештачки да ја „оживуваме“ за да го покажеме наследството што го остави.

Некој дури и изјавил дека станало навистина чудно кога публиката почнала да му ракоплеска на холограмот за „одлично отпеаната песна“.

Weird audience dynamic at #WhitneyHouston @BASEHologram tour @SheffCityHall. People recording a recording and heckling a performer with no come back! pic.twitter.com/DsMGo0Bow7

— Nicola Dibben (@nikkidibben) February 25, 2020

I just saw via YouTube concert footage and smh let #WhitneyHouston rest in peace. pic.twitter.com/QfWNFHPgNo

— Candice (@Candypooh) February 26, 2020

Би отишле ли на ваков концерт, или сметате дека ова е бизарно, а аудио и видео снимките се сосема доволно за да се присетите на големата ѕвезда?

Спирова С. | Црнобело