Србите даваа поддршка со аплауз за Загреб, Италијанците донираа пари - сепак сите сме едно

Детали

понеделник, 23 март 2020

Милано е меѓу најпогодените градови со корона вирусот, но жителите оттаму сепак одвоија време за да донираат за Загреб по земјотресот. Светот сепак е убав, зарем не?

Од целиот свет пристигнува поддршка за Загреб. Од убави зборови до донации, секој прави што знае и умее за да им помогне на загрепчани по синоќешниот голем земјотрес и низата помали.

Зракот светлина во овие неубави ситуации е што токму во таквите мигови сфаќаме дека сите сме едно, дека сите сме беспомошни пред природата и дека сите треба да си помогнеме како знаеме и умееме.

5 девојки од Хрватска, кои моментално живеат и работат во Амстердам, на платформата GoFundMe покренаа иницијатива за собирање парична помош за луѓето погодени од земјотресот во Хрватска. Досега имаат собрано повеќе од 36.000 евра, а интересно е што меѓу луѓето кои донирале има и од Милано, италијанскиот град кој е еден од најпогодените од корона вирусот во светот.

Без разлика на својата неволја Италијанците сакаат да им помогнат и на другите кои минуваат низ мрачни периоди, а ова е доказ дека светот сепак е убаво место за живеење, а луѓето се добри.

Босна и Херцеговина ѝ даде поддршка на Хрватска со светлечки знаци во Сараево.

https://www.facebook.com/209468992409465/photos/a.882388178450873/2919330258089978/?type=3

Србија изрази поддршка со тоа што вчерашниот аплауз од терасите го посвети токму за загрепчани.

Сите сме едно и заедно сме посилни, зарем не?

Прочитајте и Војници и навивачи им помагаа на родилките и бебињата по земјотресот во Загреб (видео)!

С. С. | Црнобело