Доктор живее во шатор во својата гаража за да го заштити семејството од корона вирусот (фото)

Детали

понеделник, 30 март 2020

Доктор од Калифорнија, кој работи директно со заразени од корона вирусот, после секоја смена мора да се самоизолира.

Докторот Тими Ченг се одлучил да живее во шатор во својата гаража за да го заштити своето семејство од потенцијална зараза.

„Доброволно станав бездомник за да го заштитам моето семејство“.

Тој една ноќ преспал во автомобилот, а потоа четири ноќи во болницата. Петтиот ден неговата сопруга се сетила дека може да спие во шатор во гаражата.

Пулмологот веднаш се согласил со оваа идеја. Ченг, кој не е сигурен колку денови или месеци ќе мора да живее во шатор има порака за сите:

„Можете да ми помогнете мене и на сите здравствени работници веќе да не бидеме бездомници“.

Тој вели дека никој не е доволно здрав за да не може да се зарази.

„Останете дома и помогнете да се спречи ширењето на овој вирус. Безброј доктори, медицински сестри и други здравствени работници работат на тоа да ви го спасат животот. Најмалку што можете да направите е да останете дома, за еден ден и ние да можеме да си ги прегрнеме најдрагите.“

Е. П. | Црнобело