Грција викендов отвори 515 плажи – како изгледа сончањето под строги услови? (фото+видео)

Детали

понеделник, 18 мај 2020

Персоналот носи маски, се одржува дистанца, лежалките се дезинфицираат по секое користење, а во некои комплекси цената за две такви и чадор достигна 80 евра – како изгледаа грчките плажи викендов по повторното отворање?

На 16-ти мај Грција одлучи да отвори 515 организирани плажи со лежалки и чадори, за чие користење има строги правила до кои треба сите да се придржуваат.

На дел од плажите правилата за социјална дистанца се почитуваа, додека некаде може да се забележи како луѓето си ги доближуваат лежалките еден до друг.

Она што многумина ги запрепасти, се цените на некои плажи кои се качија многу повеќе од вообичаено – во комплексот Astir, цената за чадор и две лежалки е 80 евра, а за две особи плус дете – 100 евра. Секако, тоа не важи за сите плажи.

Сепак, ништо не ги спречи Грците високите температури од 40 степени да ги поминат покрај море и од рано наутро викендов чекаа редови за да ги наполнат плажите. 

Како изгледаа грчките плажи викендов откако повторно ги отворија, но со строги правила за почитување:

фото: Αssociated press/Yorgos Karahalis

фото: Αssociated press/Yorgos Karahalis

фото: Αssociated press/Yorgos Karahalis

фото: Αssociated press/Yorgos Karahalis

фото: Αssociated press/Yorgos Karahalis

фото: Αssociated press/Yorgos Karahalis

фото: Αssociated press/Yorgos Karahalis

На некои плажи се почитуваат препораките за дистанца, но некаде Грците забораваат на корона - видео доказ:

М. М. | Црнобело