После вчерашното успешно лансирање, астронаутите Боб и Даг безбедно стигнаа на Меѓународната вселенска станица (фото+видео)

Детали

недела, 31 мај 2020

После првото одложено лансирање, SpaceX и НАСА во саботата ги испратија астронаутите Боб и Даг на мисија до Меѓународната вселенска станица. Денес, околу 16:00 часот, после речиси 19-часовен лет, тие стигнаа на својата дестинација.

Лансирањето од Вселенскиот центар Кенеди во Флорида помина успешно, а после одделувањето на ракетата и капсулата, ракетата Falcon 9 безбедно се врати на Земјата. Капсулата Crew Dragon, пак, продолжи да се движи кон Меѓународната вселенска станица.

Првпат во историјата, астронаутите од НАСА беа лансирани во комерцијална ракета. Оваа мисија е всушност тест за системот за транспортација на SpaceX. Првпат леталото Crew Dragon беше тестирано лани, а вчерашното лансирање, односно мисијата Demo-2, е првиот тест со екипаж.

Астронаутите беа лансирани со ракетата Falcon 9 во саботата. Околу две минути после полетувањето, едниот дел од ракетата се оддели од Crew Dragon и успешно беше вратен на Земјата.

https://www.youtube.com/watch?v=Dm__ZSLc6Is&feature=emb_title

Околу 12 минути после лансирањето, од капсулата се оддели и вториот дел, и Боб и Даг го продолжија патот до Меѓународната вселенска станица.

Пред да стигнат до нивната дестинација, астронаутите споделија и видео од внатрешноста на леталото.

What does our home planet look like from @SpaceX's Crew Dragon Endeavour? Watch as @AstroBehnken and @Astro_Doug take you inside the spacecraft and provide an update about our #LaunchAmerica mission: pic.twitter.com/f8b3CrSEPE

— NASA (@NASA) May 31, 2020

Денес астронаутите му се придружија на екипажот на Меѓународната вселенска станица, после успешното „прикачување“ на капсулата.

 

.@AstroBehnken and @Astro_Doug are so close to the @Space_Station that you can see the station’s shadow on @SpaceX’s Dragon Endeavour spacecraft. Watch their journey: https://t.co/bXCGg5kzBB pic.twitter.com/T8xPVEss4T

— NASA (@NASA) May 31, 2020

Docking confirmed! @AstroBehnken and @Astro_Doug officially docked to the @Space_Station at 10:16am ET: pic.twitter.com/hCM4UvbwjR

— NASA (@NASA) May 31, 2020

Не е точно познато колку долго Боб и Даг ќе останат на Станицата, но капсулата Crew Dragon може да помине и до 114 дена во вселената.

По завршувањето на мисијата, капсулата ќе се оддели од Станицата и ќе тргне кон Земјата, слетувајќи во Атланскиот Океан, во близина на Флорида.

Погледнете како изгледаше првиот обид за лансирањето, но и зошто е важна оваа мисија.

Настанот можете да го следите и во живо:

Спирова С. | Црнобело