Григор Димитров играше на Adria Tour и се забавуваше во Белград со Ноле па објави дека има корона - твитерџиите бесни

Детали

понеделник, 22 јуни 2020

Се одржуваа турнири пред голема публика без социјална дистанца, а тенисерите се забавуваа и танцуваа по клубови како никогаш да немало корона – сега финалниот меч е откажан заради позитивниот тест на Григор Димитров, а твитерџиите се бесни на Ѓоковиќ.

Во Србија веќе неколку недели мерките се попуштени до степен што луѓето се однесуваат како никогаш да немало корона.

Се оди по клубови каде се пие и танцува со голема група луѓе, се одржа фудбалски натпревар пред полн стадион, а Ноле организираше Adria Tour.

Пред 2 недели Новак ги дочека своите колеги кои долетаа до Белград за Adria Tour, се поздравуваше и прегрнуваше со нив по долгата пауза предизвикана од пандемијата.

Тениските мечови беа планирани да се играат на 4 места – Белград, Задар, Црна Гора и Бања Лука, а започнаа на 13 јуни.

Откако се одржаа неколку меча, бугарскиот тенисер Григор Димитров на својот профил објави дека во Монако се тестирал и резултатот е позитивен на корона вирус, а се извинува доколку во меѓувреме направил штета некому.

По оваа објава, од Adria Tour беше соопштено дека финалчниот меч во Задар нема да се одржи, но останува да видиме дали вирусот е пренесен и помеѓу другите играчи, со оглед на тоа што сите веќе имаа меѓусебна средба, играа тенис, па дури и се забавуваа во ноќни клубови.

Твитерџиите пак, се бесни поради целата ситуација, со оглед на тоа што настанот се одржуваше без посебни протоколи за безбедност, заради што позитивниот тест на Григор може да направи поголем проблем, со оглед на тоа што бил во контакт со поголем број луѓе. Голем број од тенисерите се веќе тестирани, но Новак не се појавил на тестирањето, а позитивен е и Борна Чориќ.

Погледнете дел од нивните реакции:

?ref_src=twsrc%5Etfw%7Ctwcamp%5Etweetembed%7Ctwterm%5E1274760293101580289&ref_url=https%3A%2F%2Fwww.essentiallysports.com%2Ftennis-news-atp-twitter-hits-out-at-novak-djokovic-for-adria-tour-after-cancelation-of-finals-grigor-dimitrov%2F

М. М. | Црнобело