Брат херој! 6-годишното момче кое ја спаси сестричката од напад на куче доби поддршка од славните
Спонзорирано од:
Спонзорирано од ОгласиЗаРабота.мк


Брат херој! 6-годишното момче кое ја спаси сестричката од напад на куче доби поддршка од славните

Приказната за херојскиот потег на 6-годишното момче кое се испречи помеѓу куче и неговата сестричка за да ја спаси од напад, го освои светот, а суперхероите од филмовите го „примија“ во нивниот клуб малечкиот Бриџер.

brat-heroj-6-godishnoto-momche-koe-ja-spasi-sestrichkata-od-napad-na-kuche-dobi-poddrshka-od-slavnite-01.jpg

Малечкиот херој, кога видел дека кучето ѝ се приближува на сестричката, ја фатил за рака и ја тргнал настрана, по што завршил со неколку каснувања по лицето и главата.

https://www.instagram.com/p/CCgWxh4ABi-/?utm_source=ig_embed

Во разговор со неговата тетка по нападот на 9-ти јули, храбриот Бриџер дал емотивна изјава која топи срца: „Ако некој требаше да умре, мислев дека тоа требаше да бидам јас“.

По повредите, на момчето му биле потребни 90 конци на лицето и сега одмора со семејството дома, а раните полека му заздравуваат.

https://www.instagram.com/p/CCjDnLngOYO/

Иако Бриџер не може многу да мрда со устата и да се насмее, сепак неговата тетка вели дека бил многу радосен кога му ги прочитала позитивните коментари од луѓе од целиот свет, упатени кон неговата храброст.

Тој дури доби поддршка и од славни личности како Ен Хатавеј, Крис Еванс и Марк Руфало, кои со задоволство го „примија“ во клубот на суперхерои.

„Сестра ти е среќна што те има, ти си херој и ќе се погрижам да ти испратам оригинален штит од Капетан Америка“ – вели во видео порака Крис Еванс.

https://www.instagram.com/p/CCrmxv1gTek/

„Драг Бриџер, тукушто прочитав што се случило и сакав да ти го кажам ова... луѓето кои ја ставаат добросостојбата на другите луѓе пред себеси се најголемите херои кои ги познавам. Вистински те почитувам и се восхитувам на твојата храброст и твоето срце.

Вистинска храброст не значи доминирање над луѓето или тепање со луѓето или шетање наоколу како некој јак дечко. Вистинската храброст е да знаеш што е правилно да се направи и да го направиш и покрај тоа што можеби на крајот ти ќе бидеш повреден на некој начин.

Ти си повеќе маж од многу други кои сум ги видел. Со почит и восхит... Марк Руфало (Брус Банер, Хулк, Професорот)“ – гласи изјавата на Марк Руфало.

На пораките се приклучи и Ен Хатавеј:

„Јас не сум Авенџер, но знам да препознаам суперхерој кога ќе го видам. Се надевам дека јас ќе имам барем половина од твојата храброст во животот, Бриџер. Ти посакувам лесно закрепнување. Еј, Марк Руфало, ти треба ли соиграч во тимот?“

https://www.instagram.com/p/CCpeXE_F1lh/?utm_source=ig_embed

М. М. | Црнобело

Би можело да ве интересира:

9-годишно момче топли срца: Цел живот ја расте косата – сега ја донира за деца болни од рак Рајли Стенкоб е 9-годишно момче од Есекс, Англија, кое целиот живот си ја нема с...
Видео што го згрози светот: Жена со боксови го удира своето куче Твитер заедницата се крена во потрага по оваа сурова жена и за среќа таа ќе биде...
Цел Твитер му се смее: Останал без пари обидувајќи се да личи на Дејвид Бекам Џек Џонсон, 19-годишно момче од Англија, не е огромен фан на Дејвид Бекам, ама с...

Најчитани неделава