Мал генијалец: Момче со аутизам на 10 години изградило реплика на Титаник со ЛЕГО коцки

Детали

вторник, 28 јули 2020

Секогаш си играл сам, а ЛЕГО коцките вели дека му биле најдобриот пријател - момче со аутизам на 10 години потрошило 700 часа за да ја направи најголемата реплика на Титаник со помош на 56.000 ЛЕГО коцки.

Доказ дека во светот на децата постојат големи генијалци е Brynjar Karl Bigisson, од Исланд, кој кога имал само 10 години, успеал со ЛЕГО коцки да направи реплика на Титаник.

„ЛЕГО коцките се важен дел од мојот живот уште од кога бев мал. Заради моите слаби социјални и комуникациски вештини, секогаш си играв сам, а ЛЕГО коцките ми станаа најдобри пријатели. Додека градев со ЛЕГО ја користев и развивав имагинацијата и креативноста. Не се сеќавам дека тогаш сум бил осамен, бев презафатен со градењето.“ – вели момчето.

Тој го посетил LEGOLAND во Данска за првпат на 9-годишна возраст и бил воодушевен од градбите со реална големина, а најмногу се опседнал со еден брод, кој всушност бил Титаник.

„Очигледно, немаше да можам да го изградам 7-метарскиот модел сам и морав да натерам неколку луѓе да ми помогнат. Дедо ми ми помогна со упатството и инструкциите. Мајка ми отвори страна за собирање пари за да можам да ги купам коцките. Ми понудија и простор во магацин и таму одев секој ден после училиште по 3-4 часа, 11 месеци.“

Инаку, денес тој е втора година во средно училиште, работи на траект и сонува да стане капетан.

Аутизам му бил дијагностициран на 5 години и се борел со тоа додека растел, бидејќи немал пријатели и бил лош во комуникацијата.

Сега има супер пријатели и ги развил комуникациските вештини, па нема никакви поблеми во секојдневието.

Погледнете го процесот на градба на Титаник:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

М. М. | Црнобело / Извор