Свадбено видео со трагичен крај – фотограф ја „уловил“ експлозијата во Бејрут на 1km

Детали

четврток, 06 август 2020

Во вторникот Бејрут беше потресен од голема експлозија која одзеде над 100 животи и повреди повеќе од 4.000 луѓе.

Страшниот момент беше снимен и фотографиран од многу луѓе, а неодамна се појави и видео направено на само 1 километар од експлозијата.

Видеото е направено од свадбениот фотограф Махмуд Накиб, кој неколку секунди пред експлозијата почнал да ја снима невестата.

На почетокот од видеото се гледа жена во венчаница која очекувала ова да биде најсреќниот ден од нејзиниот живот, за само момент подоцна да се слушне експлозијата. Уште поморничаво е што видеото започнува со насмевка, но завршува како најголема трагедија.

Фотографот го споделил видеото на социјалните мрежи, а на него веднаш се забележува штетата.

Набрзо споделил уште едно видео на кое се гледаат превртени столови и преплашени луѓе.

/?t=2

Погледнете и Пустошот од експлозијата во Бејрут - главниот град на Либан, низ фотки и видеа.

Спирова С. | Црнобело