Фотографија од детенце како плаче на пат го растажи регионот - приказна која е секојдневие и кај нас

Детали

петок, 21 август 2020

Социјалните мрежи во регионот ги потресе фотографија од мало русокосо детенце кое плаче на пат во БиХ.

Детенцето собирало капини покрај патот, кога група деца му ги украле капините кои ги собрал дента за да ги продава.

Човекот кој му помогнал напишал на својот Фејсбук профил:

„Продавач на капини на патот М18 во општина Кладањ. Плаче затоа што некои деца му ги украле капините и побегнале. Застанав и не е важно што направив, но навистина, проклети да се сите кои ја одземаат нечија љубов, пари, живот.

Таткото на детенцето е невработен, мајка му нон стоп по доктори, болна. Кое дно го стигнавме во општествово – децата да мораат да работат, да не бидат никако заштитени, и уште да им ја одземеме и малата заработка. 

Срам ми е навистина, но колку можам ќе му помогнам. Детенцето престана да плаче и има уште еден сад кој треба да го продаде“. – напишал Селмир.

Детенцето е од многу сиромашно семејство и со заработените пари си купувал опрема за на училиште.

Е. П. | Црнобело