Зошто нема тоалет хартија, зошто Австралија гори - Google со моќно видео објави што се гуглаше најмногу во 2020-та

Детали

среда, 09 декември 2020

Како и секоја година, од Google ги споделија најпребаруваните теми на интернет преку нивниот пребарувач, а овојпат направија и моќно видео за тоа.

„Во несигурните времиња, луѓето бараат разбирање и значење. Оваа година, зборот ’зошто‘ беше пребаруван повеќе од кога било“, напишале од Google под видеото.

Зошто има пожари во Австралија, зошто луѓето протестираат, зошто не можам да спијам, зошто се чувствувам уморно... пребарувањата покажуваат колку очајна била годинава за скоро сите луѓе.

Но, вториот дел од видеото се фокусира на добрите нешта и дава надеж. „Зошто е важна емпатијата“ и „зошто луѓето сонуваат“ се само некои од пребарувањата што покажуваат дека можеби, оваа година и не беше така лоша.

Google сподели и листа, на која ги наведува најпребаруваните термини од разни области

Најпребарувани термини:

• Корона вирус
• Резултати од избори
• Коби Брајант
• Zoom
• IPL

Најпребарувани вести:

• Корона вирус
• Резултати од избори
• Иран
• Бејрут
• Хантавирус

Најпребарувани актери/актерки:

• Том Хенкс
• Хоакин Феникс
• Рики Џерваис
• Амита Бачан
• Џејда Пинкет Смит

Целата листа на најпребарувани термини на Google можете да ја погледнете ТУКА.

Спирова С. | Црнобело