Пар живее во дрвена колиба од 14m2 среде шума во Шведска - без струја и вода (фото)

Детали

вторник, 26 јануари 2021

Во 80 години стара колиба со одгледување на своја храна и вечера на свеќи, на страна од светот... Звучи како привлечен начин на живот, зарем не?

Матијас, Това и нивниот син Ивар живеат во колиба среде шума во Шведска. Тие се доселиле во колибата без струја и вода пред 8 години.

Нивните денови ги минуваат во природа преку ден и со активности на свеќи навечер. Сами си одгледуваат храна, чуваат домашни животни, а нивната колиба е голема само 14m2. Имаат соларни панели со кои си ги полнат телефоните.

Тие постојано снимаат видеа како изгледа нивниот живот и прикачуваат на нивниот Јутуб канал, наречен Talasbuan.

Парот не ја открива точната локација на нивниот дом и вели дека ужива во животот отсечен од остатокот од светот.

Матијас потекнува од Финска, а Това од Шведска. Таа пораснала во шведско село, кое се наоѓа на неколку километри од нивната колиба.

Двајцата сакале слободен и релаксиран животен стил и велат дека мотото им е ако нешто се скрши - да го поправат, а не да купат ново.

Земјиштето на кое се наоѓа колибата е на семејството на Това, па така тие немало потреба да се задолжуваат со кредити за да си обезбедат дом.

Колибата е стара 80 години и била наменета само за летување, но Матијас и Това ја приспособиле за да живеат таму во текот на целата година.

Најблиското село е на неколку километри, а наблискиот град е на 100 километри оттаму.

Како изгледа нивниот живот низ фотографии:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

С. С. | Црнобело