„Арчи ќе стане брат“ - Принцот Хари и Меган Маркл очекуваат второ дете

Детали

недела, 14 февруари 2021

Неколку месеци откако Меган се исповеда дека доживеала спонтан абортус во јули 2020-та, доаѓаат среќни вести од парот – таа е повторно бремена и очекуваат второ дете.

Принцот Хари и Меган Маркл уживаат во семејниот живот во Калифорнија, одвоени од кралското семејство, откако се повлекоа од кралските должности. 

Тие се фокусираа на хуманитарни цели и на тоа да поминуваат повеќе време со нивниот син Арчи, кој сега ќе стане поголемо братче. 

божиќна честитка од декември 2020-та

На Денот на вљубените, ПР-от на Меган и Хари потврди дека парот очекува второ дете, а објавена беше и романтична фотка на која Маркл си го држи трудничкото стомаче, направена од нивниот пријател и фотограф, Мисан Хариман.

Во соопштението за светските медиуми стои:

„Можеме да потврдиме дека Арчи ќе биде голем брат. Војводата и војвотката од Сасекс се пресреќни што го очекуваат нивното второ дете.“

Инаку, пред крајот на 2020-та, Меган Маркл имаше емотивна исповед и откри дека во јули 2020-та доживеала спонтан абортус.

Прочитајте повеќе: Меган Маркл доживеала спонтан абортус: „Знаев дека додека го држев моето првородено дете, го губев второто“

М. М. | Црнобело