„Депресијата ѝ е изговор“ – Полусестрата на Меган Маркл тврди дека таа кажува лаги во интервјуто со Опра

Детали

вторник, 09 март 2021

После ексклузивното интервју на Меган и Хари, се огласи полусестрата на Меган која тврди дека Меган кажува лаги и ја користи депресијата како изговор за нејзиниот ужасен однос кон луѓето.

Во интервјуто со Опра, Меган Маркл ја спомна нејзината полусестра – 56-годишната Саманта која сега вели дека Меган кажувала само лаги.

Саманта изјави дека Меган ја искривува вистината, но и дека ја искористила депресијата како изговор за нејзиното лошо однесување со луѓето.

Во интервјуто, Меган изјави дека била одгледана како дете единец, а поради тоа Саманта воопшто не ја познава.

„Не знам како може да рече дека не ја познавам и дека била одгледана како дете единец. Имаме многу фотографии од нашиот заеднички живот. Како може да не ме знае?“, изјави Саманта во интервју за Inside Edition.

Полусестрата на Меган сподели и фотографии од нив двете, од кои најновата е од 2008-ма година. Меган, од друга страна, тврди дека ја нема видено Саманта речиси две децении.

Саманта и Меган имаат ист татко, а Меган изјави дека нејзината полусестра почнала да го користи презимето Маркл дури откако таа се венчала со Хари. Саманта вели дека и ова се лаги.

„Јас бев Маркл пред неа. Мислев дека е чудно што кажа дека си го променив презимето во Маркл кога таа го запозна Хари. Моето презиме отсекогаш било Маркл“.

Саманта покажа уште еден доказ за нејзиното тврдење – факултетска диплома од 1997-ма, каде што е потпишана како Саманта М. Маркл.

И за изјавата на Меган дека има депресија, Саманта вели дека најверојатно е лага.

„Депресијата не е изговор да ги третирате луѓето како партали и потоа да се ослободите од нив“.

Саманта има издадено автобиографија, насловена „The Diary of Princess Pushy’s Sister: A Memoir, Part One“, во која детално го опишува нејзиното детство поминато со Меган. Сепак, во интервјуто со Опра, Меган тврди дека таа и Саманта никогаш не биле блиски и дека денес двете не се познаваат добро, без разлика на нејзините тврдења во книгата.

Токму поради тоа, Меган одби да зборува повеќе за нејзината полусестра:

„Не ми е пријатно да зборувам со луѓе кои не ги познавам толку добро. Јас пораснав како дете единец, а сите кои ме знаат од детството, знаат за тоа“.

Потсетете се и на Како семејството на Меган Маркл може да остави темна дамка на кралската свадба?

Спирова С. | Црнобело