Махери за „направи сам“ проекти: Од запуштен бетонски двор направиле совршена летна тераса и заштедиле околу 1.200 евра

Детали

понеделник, 28 јуни 2021

Од запуштен бетонски двор до прекрасна летна тераса. Оваа двојка успеала да си создаде вистинско катче за уживање и притоа да заштеди околу 1.200 евра.

Лорен и Мајк од Кент (27) биле решени да го уредат просторот иако немале доволно финансии. Куќата ја купиле во 2019-тата година и целосно ја преуредиле, а сега конечно имале време да се посветат и на градината.

„Неколку месеци наназад не можевме да одлучиме што да направиме со толку чудно место и најдобра опција беше да ја ископаме бетонската основа. Решивме да ја замениме со дрвена тераса и тоа да ни биде основа за тоа како понатаму да ја уредиме“ – вели Лорен.

Сепак, тие се одлучиле целиот проект да го направат сами и со минимални трошоци. Така наместо да купуваат готов материјал што чинел над 1.700 евра, се одлучиле да купат дрво од трговци за 1000 фунти и да ја започнат трансформацијата на градината.

Мајк бил задолжен за копање на градината и за сечење на дрвата, а со оглед на тоа што проектот го започнале за време на карантин, единствените алати со коишто располагал биле рачна пила, скала и лопата.

Тие потрошиле околу 100 евра на вештачка трева, додале ограда на двете страни од градината, а терасата ја направиле заедно со помош на пријател, поради што направиле огромни заштеди и ја завршиле во период од две до три недели.

Мебелот на терасата го нашле на попуст, со што заштедиле дополнителни 100 евра.

Сепак, најголемите заштеди ги направиле поради тоа што целата работа ја завршиле сами. Доколку барале некого да им ги исече дрвата, тоа би ги чинело многу повеќе.

Б. С. Б. | Црнобело