Девојка чекала 45 минути партнерот да ја запроси – прстенот му паднал во вода пред да ја побара за сопруга

Детали

вторник, 28 септември 2021

Овој млад човек сакал да направи незаборавно запросување за неговата свршеница и успеал, но не поради вистинските причини. Пред да успее да го постави прашањето поминал 45 минути во барање на прстенот.

Грант Стивенс (28) од Обединетото Кралство направил сè за да ѝ приреди романтично запросување на нејзината свршеница Моли Рис (31).

Сепак не предвидел дека златниот прстен со аквамарин може да биде малку нестабилен во кутијата.

Тој ја однел својата девојка на мостот во Линколн Арботеум, клекнал на едно колено подготвен да го постави прашањето дали таа прифаќа да му биде сопруга и во истиот миг кога ја отворил кутијата, прстенот летнал и паднал во барата под мостот.

Како што пишува Моли на својот Facebook профил, Грент по ова 45 минути го барал прстенот во барата, а пренесува Daily Mail.

„Ги извади чевлите и чорапите, ги подвитка ногавиците и скокна во барата за да го најде прстенот. Еве фотографија од мојот вереник додека го бара мојот прекрасен прстен и мигот кога конечно го најде“ – напиша Моли.

Секако, Моли прифатила да му биде сопруга, па така целиот труд на крајот навистина му се исплатил.

Како и да е, ќе имаат неверојатна приказна за раскажување за идните генерации.

Б. С. Б. | Црнобело