Бил во врска со Адријана Лима, сега е 15 години „сингл“ - Кој е принцот од Лихтенштајн?

Детали

четврток, 14 октомври 2021

На почетокот на 2000-тите години со Адријана Лима ги полнеа таблоидите, а денес ретко кој слушнал за принцот Венцеслаус од Лихтенштајн – најпосакуваниот кралски ерген што не ја нашол вистинската љубов.

Како член на кралското семејство од Лихтенштајн, со блескава кариера во финансискиот сектор и богатство од над 7 милијарди долари, звучи неверојатно кога ќе се каже дека принцот Венцеслаус (46) сè уште е слободен.

Принцот Венцеслаус е син на приватниот банкар принцот Филип од Лихтенштајн и внук на владејачкиот принц Ханс-Адам Втори, а никогаш не бил оженет, ниту пак има деца.

Принцот Венцеслаус често може да се види на настаните каде се појавуваат славните и познати личности, а поминати се 15 години од 2006-та година кога за него се знаеше дека за последен пат е во сериозна врска и тоа со бразилскиот модел Адријана Лима.

Тие беа заедно три години од 2003-та до 2006-та година и беа мошне популарни на сите настани низ Њујорк, каде најчесто беа фотографирани како јавно се бакнуваат и разменуваат нежности, што не е типично за кралски припадник.

По ова Адријана стапи во брак со Марко Јариќ, а принцот Венцеслаус на настаните се појавувал со голем број убавици, меѓу кои и манекенката Барбара Палвин, но не се знае дали со некоја од тие девојки бил во сериозна врска.

Прочитајте и Ја држи за рака, горд е на неа: Адријана Лима во секси издание покрај новото момче (фото)

Доколку не е придружуван од убава девојка, на гала-вечерите ергенот се појавува заедно со неговата мајка Изабел Де Ларбре Маландер која е со белгиско аристократско потекло.

Тој во моментов живее во Лондон има блескава кариера во финансискиот сектор, но сè уште не ја нашол својата вистинска љубов.

Принцот Венцеслаус, инаку е мошне приватен, па неговиот Инстаграм профил е затворен за јавноста, а има само малку следбеници.

Во продолжение погледнете повеќе фотографии:

 Б. С. Б. | Црнобело