10-годишно девојче со сопствен бизнис – заработило 120.000 евра во еден месец, има и Мерцедес

Детали

вторник, 07 декември 2021

За успесите во бизнисот мајка ѝ ѝ купила автомобил вреден 165.000 евра, а ако продолжи со ова темпо, на 15 години ќе може да се пензионира. Како изгледа животот на 10-годишното бизнис-девојче што има сопствени брендови и заработува илјадници евра?

Поголемиот број деца на 10 години се опседнати со видеоигри и со училиште, но Пикси Куртис (10) од Австралија веќе има сопствен бизнис од кој заработила 120.000 евра во само еден месец.

Пикси сè уште е во основно училиште, но заедно со нејзината мајка, познатата австралиска бизнис-жена Рокси Јаченко, таа започна сопствен бизнис за играчки Pixie’s Fidgets.

Бизнисот почна со работа во мај, а уште во првите 48 часа сите играчки биле распродадени. Во првиот месец од работењето компанијата остварила профит од 200.000 австралиски долари, односно над 120.000 евра.

Мајката на Пикси, која важи за могул за јавни односи, вели дека доколку продолжи со вакво темпо, Пикси ќе може да се пензионира на 15 години.

Но, ова не е единствениот бизнис на 10-годишното девојче. Нејзината мајка креирала бренд за аксесоари за коса со името на малото девојче уште додека таа била бебе што се нарекува Pixie’s Bows.

„Она што најмногу ме возбудува е тоа што таа на толку мала возраст поседува силен претприемачки дух. Јас никогаш не сум поседувала нешто такво и постојано требаше да ме учат што треба да направам за да успеам“.

„На 14 години работев во McDonald`s затоа што тоа беше вообичаено во моето време“ – вели Рокси и додава дека иако таа ѝ овозможува на ќерката да го развива својот талент, сепак малото девојче гo има главниот збор кога станува збор за одлуките поврзани со нејзините бизниси.

Инаку, Рокси важи за една од најуспешните бизнис-жени во Австралија. Таа од 2012-та година е во брак со таткото на Пикси, Оливер Куртис, со кого има уште едно дете, синот Хантер (6).

Тие живеат во палата вредна над 6 милиони долари во Сиднеј.

Малата Пикси ужива во голем луксуз, па така за 10-тиот роденден освен луксузната роденденска забава, добила скапи дизајнерски апостолки и чанта.

Минатиот месец таа ја објави својата листа со подароци за Божиќ на која се најдоа нов мобилен телефон, како и крем против стареење.

Освен ова, по големиот број бизнис успеси, Пикси доби ист Мерцедес како мама вреден 165.000 евра.

Б. С. Б. | Црнобело