„Се каам што имав афера со женет човек – за празниците сфатив колку грешам“

Детали

понеделник, 20 декември 2021

„Дојде Божиќ и сфатив дека тоа е почеток на крајот. Тогаш ми стана јасно дека овој маж не е мој и не можев да престанам да мислам какво разурнувачко дејство можеше да има нашата афера врз неговото семејство.“

Ребека Џејн (37) од Англија имала афера со женет човек, но сега се кае за тоа.

Таа отворено ја раскажа својата приказна за магазинот „TheSun“.

Нејзината исповед:

„Ние се сретнавме преку работа и аферата ни започна во ноември 2020 година. Прво беше прекрасно, но потоа кога дојде Божиќ сфатив дека тоа е почеток на крајот.

Тогаш ми стана јасно дека овој маж не е мој и не можев да престанам да мислам какво разурнувачко дејство можеше да има нашата афера врз неговото семејство.

Инаку се имавме запознаено преку работа и бевме добри пријатели неколку години. Неколкупати ми се имаше додворувано, но јас го одбивав. Но, откако минав низ една лоша врска и разделба минатата година, сè се промени.

Ми кажа дека ме сака од моментот кога ме запознал и во тој миг искрата некако не можевме да ја сопреме.

Постојано бевме на телефон или имавме средби. Не сфаќав колку е погрешно сè додека не дојде празничниот период. Тогаш сфатив колку многу луѓе е можно да повредам.

Не сакав да бидам причината за распад на едно семејство. Продолживме да се гледаме потоа, но никогаш не закрепнав од чувството на вина и ставив крај на приказната во април.

Тој не чувствуваше вина за аферата. Моето раскинување не го поднесе добро.

Кога ќе се вратам назад посакувам да го одбиев уште првиот пат кога ми кажа што чувствува за мене.

Морав да го променам работното место, затоа што повеќе не можевме да работиме заедно.

Празничниот период годинава ми го враќа чувството на вина што направив лани.“

С. С. | Црнобело