„Зошто си го истетовирав речиси целото тело?“

Детали

четврток, 06 јануари 2022

„Бев дете со прекумерна тежина, го мразев начинот на кој изгледам и тоа е главната причина поради која почнав да се тетовирам. Сега, сакам да си ја гледам кожата...“

Бетани Мур (26) од Лондон потрошила 24.000 евра и повеќе од 300 часа на тетовирање на своето тело за да си ја подобри самодовербата.

На својот Инстаграм профил има повеќе од 161.000 следбеници и вели:

„Луѓето на социјалните мрежи имаат измешани реакции. Некои ме поддржуваат, додека други ме осудуваат и ми велат дека си наштетувам сама на себе.“

Таа вели дека уште од дете се борела за да го прифати изгледот на своето тело.

„Бев дете со прекумерна тежина, го мразев начинот на кој изгледам и тоа е главната причина поради која почнав да се тетовирам. Сега, сакам да си ја гледам кожата.

Имањето убава уметност на мојата кожа ме инспирираше да почнам со фитнес и трчање и постигнав резултати за кои не верував дека се можни. Па, тетоважите имаа огромно позитивно влијание врз мене и физички и психички.“

Бетани има и 9 пирсинзи на ушите, јазикот и папокот, а првата тетоважа ѝ била пред 19-иот роденден во чест на починатото семејно куче Турбо.

Бетани вели дека нејзиниот партнер Џош ѝ е огромна поддршка и дека и тој има низа тетоважи на себе.

С. С. | Црнобело