Најсилна ерупција во последните 30 години – природната катастрофа што ја погоди Тонга низ морничави фотографии и видеа

Детали

вторник, 18 јануари 2022

Ерупцијата на подводниот вулкан во близина на островската држава Тонга се верува дека е најсилна во последните 30 години, а фотографиите и видеата од очевидците одлично ја прикажуваат страшната катастрофа.

Во саботата, (15.01) во близина на Тонга еруптираше подводен вулкан, а според експертите ова е можеби најголемата ерупција на планетата во последниве 30 години.

Тонга е независна држава во Океанија што ја сочинуваат над 170 острови на кои живеат околу 100.000 луѓе.

Вулканот што еруптираше – Hunga-Tonga-Hunga-Ha’apai – се наоѓа на 30-тина километри од еден од островите на државата. Горниот дел на вулканот, односно околу 100 метри, се видливи над водата.

Според експертите, вулканот често еруптирал во изминатите неколку децении, но ништо не се споредува со последната ерупција која предизвика и цунами.

Брановите високи и по 1,2 метри го погодија најголемиот остров на Тонга – Тонгатапу – предизвикувајќи поплави и огромни штети.

Како последица од ерупцијата, биле забележани и огромни бранови во други земји, како САД, Перу, Нов Зеланд и Јапонија.

Покрај поплавите, голем проблем се и чадот и пепелта од вулканот кои за време на викендот ги прекри островите на Тонга.

Покрај загаденоста на воздухот, чадот може да ја загади и водата за пиење во Тонга.

Засега се регистрирани и две жртви од цунамито.

Деновиве се појавија сателитски снимки на кои се гледа мигот кога еруптирал вулканот, но дефинитивно позастрашувачки се фотографиите и снимките од очевидците што се споделуваат на Твитер.

Дел од морничавите фотки и видеа што кружат на социјалните мрежи:

Спирова С. | Црнобело